ۇلەستىك قۇرىلىس – ۇدايى نازاردا
استانا اكىمىنىڭ ورىنباسارى سەرگەي حوروشۋننىڭ توراعالىعىمەن تۇرعىن ءۇي قۇرىلىسىنا ۇلەستىك قاتىسۋ ماسەلەلەرى بويىنشا ۆەدومستۆوارالىق كوميسسيانىڭ كەزەكتى وتىرىسى ءوتتى.
وتىرىس بارىسىندا «جاستار-4» تك قۇرىلىسى قارالدى. ۆەدومستۆوارالىق كوميسسيا مۇشەلەرى «باقىت 11» جشس باسشىسى د.كاريمبەكوۆا قۇرىلىستى اياقتاۋ ءۇشىن اقشالاي قارجىنىڭ تۇسكەندىگى تۋرالى اقپاراتتى ۇسىنباعانىن اتاپ ءوتتى. ءوز كەزەگىندە ول ىشكى ىستەر دەپارتامەنتىنىڭ عيماراتىندا «جاستار-4» تك ينۆەستورلارىمەن جاعدايدى ءتۇسىندىرۋ بويىنشا كەزدەسۋ وتەتىنىن ءمالىم ەتتى.
«Industrial Innovation Group» جشس ديرەكتورى س.بەيسەنباەۆتىڭ جەر ۋچاسكەسىن «كوركەم تاۋەر» تك-دان «كوركەم تاۋەر» تقك-عا قايتا راسىمدەۋ تۋرالى ءوتىنىشى قارالدى. سالۋشىعا جەر ۋچاسكەسىن تقك-عا قايتا ءراسىمدەۋ ءتارتىبى بويىنشا تۇسىنىكتەمە الۋ ءۇشىن استانا قالاسىنىڭ جەر قاتىناستارى باسقارماسىنا جۇگىنۋگە كەڭەس بەرىلدى.
«تامىزينۆەستگرۋپپ» اق نىساندارىنىڭ قۇرىلىسىن اياقتاۋ ماسەلەسى بويىنشا «كورپوراتسيا رەماس» جشس باسشىسى ن.ابدۋەۆتىڭ «التىن رايد» تۇرعىن ءۇي كەشەنىن تەحنيكالىق تەكسەرۋ بويىنشا قىزمەت كورسەتۋ ءۇشىن «استانا قۇرىلىسكونسالتينگ» جشس-مەن كەلىسىم جاساۋ تۋرالى ءوتىنىشى نازارعا الىندى. كوميسسيا الماتى اۋدانىنىڭ اكىمدىگىنە, استانا ۇلەسكەرلەرى قوعامدىق بىرلەستىگىنىڭ توراعاسىنا «وربيتا» جانە «تەرريتوريا كومفورتا 2» تۇرعىن ءۇي كەشەندەرىنىڭ تۇرعىندارىمەن قۇرىلىستى ءوز بەتىنشە اياقتاۋ جانە نىساندى پايدالانۋعا بەرۋ تۋرالى ءتۇسىندىرۋ جۇمىستارىن جۇرگىزۋگە كەڭەس بەردى.
«ەليت ستروي-2» جشس قاتىستى ونىڭ ديرەكتورى ا.ساپارعاليەۆاعا ۆاك-تىڭ كەلەسى وتىرىسىنا اقشا قاراجاتىن قايتارۋدىڭ ناقتى مەرزىمدەرىن بەلگىلەپ, 9 قىركۇيەككە دەيىن 4 ينۆەستورعا اقشانىڭ قايتارىلعانىن راستايتىن قۇجاتتاردى كورسەتۋ ۇسىنىلدى.
«ازبۋكا جيليا» كومپانياسىنىڭ وبەكتىلەرىنىڭ قۇرىلىسى ماسەلەسى بويىنشا «وردا ينجينيرينگ» جشس وكىلى و.نوسۋلەنكونىڭ 20 قىركۇيەكتە تۇرىك كومپانياسىمەن «سادوۆىە كۆارتالى» تك بويىنشا قۇرىلىس-مونتاجداۋ جۇمىستارىن باستاۋ, سونداي-اق, قۇرىلىس اياقتالعان سوڭ قالعان تۇرعىن جانە كوممەرتسيالىق ورىنجايلاردى ساتۋ تۋرالى كەلىسىمگە قول قويىلعاندىعى تۋرالى ءوتىنىشى نازارعا الىندى.
وتىرىس بارىسىندا استانا ۇلەسكەرلەرىنىڭ قوعامدىق بىرلەستىگىنىڭ توراعاسى ت.چۋرسينانىڭ سالۋشىسى «GrandElite-NS» جشس بولىپ تابىلاتىن «سكايپ سيتي» تك بويىنشا «كومفورتنىي دوم» جشس اقشالاي قاراجاتىن قايتارۋ تۋرالى شاعىمنىڭ سوتقا بەرىلگەندىگى تۋرالى ءوتىنىشى قارالدى. «سكاي سيتي» تك ينۆەستورلارىنىڭ وكىلى نىسان مەن جەر ۋچاسكەسىن تقك بەرۋ تۋرالى سوتقا تالاپ-ارىز بەرىلەتىنى تۋرالى جەتكىزدى.
كوميسسيا مۇشەلەرى مسقب مەن ساۋلەت جانە قالا قۇرىلىسى باسقارمالارىنا سالۋشى «سيمۋرگ 2000» جشس قاتىستى ءتيىستى شارالار قابىلداۋ ءۇشىن «لازۋرنىي بەرەگ» جك ەسكيزدىك نوبايدان اۋىتقۋشىلىقپەن سالۋ فاكتىسى بويىنشا قورىتىندى ازىرلەۋ ۇسىنىلدى.