ەلوردا باسشىسى التاي كولگىنوۆ ۇركەر تۇرعىن الابىن ارالاپ, ونداعى جول قۇرىلىسىمەن تانىسىپ, تۇرعىندارمەن كەزدەستى.
قالا اكىمى تۇرعىندارمەن العاشقى كەزدەسۋىندە جىلى ايالداما ورناتۋدى سۇراعان بولاتىن. قازىر جىلى ايالداما اتالعان تۇرعىن الاپتاعى يساتاي باتىر كوشەسىنە قويىلدى. سونىمەن بىرگە 16 كوشەگە اسفالت توسەلىپ, جارىعى جوق كوشەلەرگە 90 شام ورناتىلدى. تۇرعىن ۇيلەرگە اۋىزسۋ جەتكىزۋ ءۇشىن 1,4 شاقىرىم سۋ قۇبىرى سالىنىپ, كارىز كوللەكتورلارى ورناتىلدى. سونداي-اق ەكى گۇلزاردىڭ قۇرىلىسى اياقتالدى. ساياباقتارعا بالالار ويىن الاڭدارى سالىندى. قازىر 20 كوشەگە جول توسەۋ جۇمىستارى جۇرگىزىلۋدە. كەزدەسۋدە تۇرعىندار قالالىق اكىمدىككە اتقارىلعان جۇمىستارى ءۇشىن العىستارىن جەتكىزدى.
سونداي-اق قالا اكىمى سەكسەك اتا كوشەسىندەگى جاتاقحانا تۇرعىندارىمەن كەزدەسىپ, ولاردىڭ ايتقان ماسەلەلەرىن تىڭداپ, ونى جاۋاپتى مەكەمەلەرگە باقىلاۋعا الۋدى تاپسىردى.
