جايدارمانشىلار اراسىندا نۇر-سۇلتان قالاسى اكىمىنىڭ كۋبوگى ساراپقا سالىندى. رەسپۋبليكالىق ارنايى جوبا نۇر-سۇلتان قالاسى قوعامدىق دامۋ ىستەرى باسقارماسىنىڭ قولداۋىمەن, قازاقستان كتك وداعىنىڭ ۇيىمداستىرۋىمەن ءوتتى. جاستار جىلىمەن تۇسپا-تۇس كەلىپ وتىرعان بۇل ويىن وسىمەن 11-رەت وتكىزىلىپ وتىر.
بەيبىتشىلىك جانە كەلىسىم سارايىندا وتكەن ويىنعا ءارتۇرلى ليگالاردا ۇزدىك ونەر كورسەتىپ جۇرگەن توپتار قاتىستى. باس-اياعى 17 كوماندا اكىم كۋبوگىنا تالاستى. ونىڭ ون التىسى – وتاندىق كوماندالار. قىرعىز ەلىنەن وش كومانداسى قوناققا كەلدى. كوماندالاردىڭ اراسىندا «نۇر-سۇلتان قالاسى əكىم كۋبوگى» ويىنىنا وسىمەن بىرنەشە جىل قاتىسقان تəجىريبەلى توپتار دا بار.
ونەر كورسەتكەن 17 قۇرامانىڭ ىشىنەن ەڭ ۇزدىگىن تاڭداۋ قازىلار القاسىنا وڭايعا تۇسپەدى. بەلگىلى ساتيريك كوپەن امىربەك باستاعان ادىلقازىلار ۇتىمدى ءازىلى مەن استارىندا سالماقتى ويى بار, كوپشىلىكتىڭ كوڭىلىنەن شىعىپ ونەر كورسەتكەن توپتارعا باسىمدىق بەردى. قازىلار القاسىنىڭ ۇزدىك ويىنشى اتاعىن «بۇگىن.كز» كومانداسىنان نۇرلىبەك جاپپار يەلەندى. جۇلدەلى ءۇشىنشى ورىنعا قىرعىزستاننىڭ وش كومانداسى لايىقتى دەپ تابىلسا, ەكىنشى ورىن الماتىلىق «اقپەن بىرگە» قۇراماسىنا بۇيىردى. ال باس جۇلدەنى «جالىن» كومانداسى يەلەندى. جاڭاوزەندىك جەڭىمپاز كوماندا ميلليون تەڭگەمەن ماراپاتتالدى.
