قحپ توراعاسى, پارلامەنت ءماجىلىسى دەپۋتاتتىعىنا كانديدات ەرمۇحامەت ەرتىسباەۆ پەن پارتيا مۇشەلەرى يرينا سميرنوۆا مەن اسىلبەك نۇرالين وسكەمەندەگى گەس پەن وبلىستىق ءىىد قاراستى ەمحانا ۇجىمىمەن كەزدەستى.
سپيكەرلەر پارتيانىڭ سايلاۋالدى باعدارلاماسىنىڭ باسىم باعىتتارىن تىلگە تيەك ەتتى.
پارتيا توراعاسى جەر جانە جەر قويناۋى حالىققا تيەسىلى بولۋ كەرەك دەگەندى ەرەكشە اتاپ ءوتتى.
– ءبىز ەلىمىزدىڭ ءاربىر ازاماتىنا ۇلتتىق بايلىقتى قايتارۋ تەتىگىن ىسكە قوسۋعا قول جەتكىزۋىمىز كەرەك. ءماجىلىس قوعامدىق مۇددەنى بىلدىرەتىن بارلىق وقيعالارعا پارلامەنتتىك تەرگەۋ جۇرگىزۋ قۇقىعىنا يە بولۋعا ءتيىس. وسىلايشا ءبىز حالىقتىڭ وبەكتيۆتى اقپارات الۋ قۇقىعىن قامتاماسىز ەتەمىز. رەسپۋبليكالىق بيۋدجەتتىڭ اتقارىلۋىن تەكسەرۋ وكىلەتتىگى بار اۋديتورلىق پالاتا ءماجىلىس قۇرامىنا كىرۋى ءتيىس. باقىلاۋ فۋنكتسياسى سەنىمدى اقپاراتتى قالپىنا كەلتىرۋ ءۇشىن قاجەت. سەبەبى ۇكىمەتتىڭ قازىرگى ەسەپ بەرۋ ءتاسىلى سىرعىتپا جاۋاپ تارىزدەس, – دەدى ول.
پارتيا توراعاسىنان سوڭ ءسوز العان سپيكەرلەر اۋىلدىق وكرۋگ اكىمدەرىن ىرىكتەۋ كريتەريلەرىنە قاتىستى جەرگىلىكتى ءوزىن-ءوزى باسقارۋ تۋرالى زاڭدى وزگەرتۋدى تالاپ ەتەتىنىن ايتىپ, كاسىپورىندى زاڭسىز جەكەشەلەندىرۋ نەمەسە وزگە دە قۇقىقتىق جانە سالىقتىق زاڭ بۇزۋشىلىقتار انىقتالعان جاعدايدا ونىڭ كۇشىن جويىپ, ينۆەستور مەن مەملەكەتتىڭ مىندەتتەمەلەرىن قايتا ەسەپتەۋ قاجەت ەكەنىن العا تارتتى. ولاردىڭ پىكىرىنشە, بارلىق دەڭگەيدەگى اكىمدەردى تىكەلەي داۋىس بەرۋ ارقىلى حالىق سايلاۋى كەرەك. اكىم مىندەتىن دۇرىس اتقارا الماعان جاعدايدا حالىق ونى كەرى قايتارۋى ءتيىس.
پارتيا وكىلدەرى ەڭ تومەنگى جالاقى ءۇش ادامنان تۇراتىن وتباسىن اسىراۋدى قامتاماسىز ەتۋى كەرەك دەگەن پىكىردە. بۇل ءۇشىن ەڭ تومەنگى جالاقى مولشەرىن 140 مىڭ تەڭگەگە دەيىن جەتكىزۋ كەرەك.
