سارسەنبى كۇنى قازاقستان پرەمەر-ليگاسىنىڭ العاشقى تۋرى ءوتتى.
فۋتبولدان 26-نشى ەل بىرىنشىلىگى بىلتىرعى چەمپيون «استانا» كومانداسىنىڭ جەڭىلىسىمەن باستالدى. ەلوردالىقتار مۇنىڭ الدىندا سۋپەركۋبوك ءۇشىن تالاستا الماتىلىق «قايراتقا» ەسە جىبەرگەن ەدى.
«استانا» قپل-دىڭ ءبىرىنشى تۋرىندا سىرت الاڭدا شىمكەنتتىك «ورداباسىمەن» كەزدەستى. الاڭ يەلەرى قوناقتاردى 3:0 ەسەبىمەن ويسىراتا جەڭىپ, تۋرنير كەستەسىنىڭ باسىنا شىقتى.
سونىمەن قاتار, بۇل تۋر اياسىندا «توبىل», «ەرتىس», «قايرات», «قايسار» سەكىلدى كوماندالاردىڭ ايى وڭىنان تۋىپ, 3 ۇپايدان ەنشىلەدى. «اتىراۋ» قاقپاسىنا ءۇش دوپ توعىتقان «توبىلدىڭ» شابۋىلشىسى الەكسەي ششەتكين ازىرگە سۇرمەرگەندەر كوشىن باستاپ تۇر.
ورىنبەك وتەمۇرات
