«جاس قانات – 2019» جەڭىمپازدارى
«جاس قانات – 2019» جاس ورىنداۋشىلاردىڭ رەسپۋبليكالىق بايقاۋىنىڭ جەڭىمپازدارى انىقتالدى. بيىل جيىرما سەگىزىنشى مارتە وتكەن بايقاۋعا ەلوردانىڭ اتىنان ءۇش ۇمىتكەر قاتىسسا, سونىڭ ەكەۋى مارەدەن وزىپ كەلدى.
بايقاۋ ادەتتەگىدەي بەيبىتشىلىك جانە كەلىسىم سارايىندا ءۇش كۇن بويى دۇرىلدەدى. وسى جولى ءبىرىنشى كۇننەن بارلىعى 14 ءانشى ونەر جارىسىنا قاتىستى. ولاردى نۇر-سۇلتان قالاسى اكىمىنىڭ ورىنباسارى ەرلان قاناليموۆ قابىلدادى. ۇمىتكەرلەرمەن اڭگىمەدە ول دارىن, ەڭبەكقورلىق پەن شىدامدىلىق ۇلى جەڭىستەر مەن ۇلكەن جەتىستىكتەر الىپ كەلەتىنىن ايتىپ, جاستارعا شىعارماشىلىق تابىستاردى تىلەدى.
قازىلار القاسىنىڭ قۇرامىنداعى العاشقى «جاس قاناتتىڭ» لاۋرەاتى, بەلگىلى ءəنشى مەدەۋ ارىنباەۆ, وسى بايقاۋدان قاناتتانعان مارجان اراپباەۆا, مəدينا سəدۋاقاسوۆا, قايرات باەكەنوۆ سەكىلدى تانىمال انشىلەر, «استانا وپەرا» تەاترىنىڭ حورمەيستەرى ەرجان ءدəۋىتوۆ, كومپوزيتور سەرىك ەركىمبەكوۆ, كومپوزيتور-مۋلتينسترۋمەنتاليست ەدىل قۇسايىنوۆ, پروفەسسور رايسا مۇساقوجاەۆا, «Kazakh TV» تەلەارناسىنىڭ حالىقارالىق اقپارات ءبولىمىنىڭ مەڭگەرۋشىسى, تەلەجۇرگىزۋشى لəززات شاتاەۆا, بايقاۋدىڭ نەگىزىن قالاۋشى, پروديۋسەر مۇرات ەرعاليەۆ قاتىسۋشىلارعا باعا بەردى.
قورىتىندىسىندا فينالعا بەس ۇمىتكەر شىقتى. ولجاس وسپان (سەمەي) جانە اقەركە كوپجاساروۆا (نۇر-سۇلتان) بايقاۋدىڭ ديپلومانتتارى اتاندى. ءۇشىنشى ورىنعا تيەسىلى «قولا قاناتتى» ءƏدىل بالتاباەۆ (كوكشەتاۋ) يەلەندى. ەكىنشى ورىن ءۇشىن بەرىلەتىن «كۇمىس قاناتتى» جانبولات ۇزاقباي (نۇر-سۇلتان) جەڭىپ الدى. ءبىرىنشى ورىندى – «التىن قاناتتى» يەلەنگەن ديدار ابدۋحالىق (شىمكەنت) بايقاۋعا بيىل جاڭادان قوسىلعان «ميستەر جاس قانات» اتالىمىندا دا توپ جاردى.
بۇعان قوسا, «استانا» راديوسى جانبولات ۇزاقبايعا ءبىر جىلدىق تەگىن روتاتسيا سىيلادى. اقەركە كوپجاساروۆا «حابار» اگەنتتىگىنىڭ «ۇلتتىق داستۇرلەردى ساقتاعانى ءۇشىن» ارنايى جۇلدەسىن يەلەندى. ايىم يماشەۆاعا (سەمەي) نۇر-سۇلتان قالاسى اكىمىنىڭ جۇلدەسى تاپسىرىلدى.