بۇكىلالەمدىك شاحمات وليمپياداسىندا التىن العان 12 جاسار شاحماتشى ساۋات نۇرعاليەۆتى استانا قالاسىنىڭ اكىمى التاي كولگىنوۆ مەملەكەت باسشىسىنىڭ اتىنان قۇتتىقتادى.
ساۋات نۇرعاليەۆ بيىل قازان ايىنىڭ ءبىرىنشى جارتىسىندا ازەربايجاندا وتكەن شاحمات وليمپياداسىندا جاس شاماسى 16 جاسقا دەيىنگى ويىنشىلار اراسىندا جەڭىمپاز اتانعان بولاتىن. وسى الەمدىك دودادا ەلىمىزدىڭ سپورتشىلارى جالپىكوماندالىق ەسەپتە 4-ورىندى يەلەندى. ودان بولەك, دارىندى وقۋشى گرۋزيادا 12 جاسقا دەيىنگى بالالار اراسىندا شاحماتتان وتكەن الەم بىرىنشىلىگىندە دە جۇلدەگەر اتانىپ, جوعارى ناتيجە كورسەتكەن ەدى. جەڭىمپاز شاحماتشىنى ەل پرەزيدەنتىنىڭ اتىنان قۇتتىقتاعان قالا اكىمى التاي كولگىنوۆ وعان الداعى جارىستاردا دا جەڭىس تىلەدى.
