بۇگىن ەلورداداعى «Forte Kulanshi Art Space» ونەر گالەرەياسىندا «مەتا عالام» اتتى كورمە اشىلادى. اتالمىش كورمەگە جاس قازاقستاندىق سۋرەتشىلەردىڭ تۋىندىلارى قويىلادى.
[smartslider3 slider=1999]
اتاپ ايتقاندا, ايتجامال تاستامبەكوۆا, الماس نۇرعوجاەۆ, ءانۋار شايمەرگەنوۆ, ارۋاي تاسماعامبەتوۆا, اسقار نۇربولات, دارحان جايمۇرزيەۆ, ساۋلەت جانىبەك, ستاس اگاپيتوۆ جانە سوفيا تەيدەر تۋىندىلارىن ۇسىنادى.
ۇيىمداستىرۋشىلاردىڭ حابارلاۋىنشا, كورمەگە قاتىسۋشى سۋرەتشىلەر ەلىمىزدىڭ ءار قالاسىندا تۇرادى. ۇسىنىلاتىن جۇمىستار دا ءارتۇرلى ستيلدەر مەن تەحنيكادا, ءارتۇرلى جانرلاردا ورىندالعان. سونىڭ ىشىندە كەسكىندەمە, گرافيكا جانرلارىنداعى تۋىندىلارمەن قاتار مۇسىندەر دە ۇسىنىلادى. اتالمىش كورمەنى 20 ناۋرىزعا دەيىن تاماشالاۋعا بولادى. ونىڭ ءبىر ماقساتى – جاس سۋرەتشىلەردى ەلگە تانىستىرۋ.
