كونكيمەن جۇگىرۋ سپورتىنان قازاقستان جاستار قۇراماسى الەم كۋبوگىنىڭ توپتىق كەزەڭى مەن الەم بىرىنشىلىگىندە ءساتتى ونەر كورسەتتى. ۇلتتىق قۇراما مۇشەلەرى 1 التىن, 2 كۇمىس, 2 قولا جەڭىپ, جارىستىڭ ۇزدىكتەرى قاتارىنا كىردى.
[smartslider3 slider=1998]
جۇلدەمەن ورالعان ساڭلاقتاردى نۇرسۇلتان نازارباەۆ حالىقارالىق اۋەجايىندا جاقىندارى مەن جانكۇيەرلەرى ىستىق ىقىلاسپەن قارسى الدى.
دودانىڭ العاشقى كۇندەرى الەم كۋبوگىنىڭ توپتىق كەزەڭىندە سپورتشىلارىمىز سىنعا ءتۇستى. داريا گاۆريلوۆا, الينا داۋرانوۆا جاسوسپىرىمدەر اراسىندا كوماندالىق سپرينتتا ءىى ورىن يەلەندى. ال اقجول نۇرالى 3-ورىن الدى. الينا داۋرانوۆا 1500 مەترگە جۇگىرۋدەن 235 ۇپاي جيناپ, جالپى ەسەپتە توپتىق كەزەڭنىڭ جەڭىمپازى اتاندى.
