بولاشاق – ءبىلىمدى جاستاردىڭ قولىندا. ەلوردادا ءوتىپ جاتقان «جاستار سينەرگياسى» قىسقى لاگەرى تىڭ جوبالاردىڭ الاڭىنا اينالدى.
ەلوردالىق جاستار www.jastarsynergy.kz سايتىنا تىركەلىپ, جاڭا باستامالارىن ۇسىنعان. ال جاڭا جوبالار «جاستاردىڭ الەۋمەتتىك دامۋى», «جاستار جانە بيزنەس», «جاستار, مادەنيەت جانە سپورت», «جۇمىسسىزدىقتى ازايتۋ جانە كاسىبي باعدارلاۋ جۇمىستارىن جۇرگىزۋ», «جاستار اقپارات اعىنىندا» سەكىلدى بىرنەشە باعىت بويىنشا ىرىكتەلىپ الىنعان.
– ءبىز ءۇشىن جاستاردىڭ الەۋمەتتىك جوبالارىن جۇزەگە اسىرۋ ىسىنە قولداۋ كورسەتۋىمىز ماڭىزدى. ءىس-شارانىڭ ەرەكشەلىگى سول ءاربىر قاتىسۋشى ارنايى شاقىرىلعان ماماندارمەن ءوز يدەيالارى تۋرالى اقىلداسىپ, قاجەت كەڭەس الا الادى. نيەت بىلدىرگەندەر كوپ بولعانمەن, 100 ادامدى عانا ىرىكتەپ الدىق. جاستار بەلسەندى بولۋى كەرەك, – دەدى جيىننىڭ اشىلۋىندا ءسوز العان قوعامدىق دامۋ ىستەرى باسقارماسىنىڭ باسشىسى دانيار ەسين.
ءىس-شارا بارىسىندا Enactus Kazakhstan ۇيىمىنىڭ باسشىسى البينا ەرجانوۆانىڭ جەتەكشىلىگىمەن جۇزەگە اسىرىلىپ جاتقان جۇمىستار جايى قوزعالدى. بەلگىلى بولعانداي وسكەلەڭ ۇرپاقتىڭ بيزنەس جوبالارمەن اينالىسۋىنا, الەۋمەتتىك-ەكونوميكالىق جانە ەكولوگيالىق ماسەلەلەردى شەشۋگە اتسالىسۋىنا سەپتىگىن تيگىزەدى ەكەن. سول سياقتى وزگە دە ءبىلىمدى جاستاردىڭ قولعا العان جوبالارى, جوسپارلارى جايىندا ايتىلدى.
