ەلوردادا «تازا قازاقستان: استانا – تازالىق پەن ءتارتىپتىڭ ۇلگىسى» ەكواكتسياسى اياسىندا «نۇرلى جۇرەك» الەۋمەتتىك قىزمەت كورسەتۋ ورتالىعىنىڭ اۋماعىندا اعاش وتىرعىزۋ ءىس-شاراسى ءوتتى, دەپ حابارلايدى astana-akshamy.kz
وعان اتالمىش مەكەمەنىڭ, الماتى اۋدانى اكىمدىگىنىڭ قىزمەتكەرلەرى, «جاس سارباز» قوزعالىسىنىڭ تاربيەلەنۋشىلەرى, جاستار ۇيىمدارىنىڭ وكىلدەرى, قوعام قايراتكەرلەرى مەن ەرىكتىلەر قاتىستى.
ورتالىق اۋماعىنا 40-قا جۋىق الما اعاشى وتىرعىزىلدى.
«نۇرلى جۇرەك» الەۋمەتتىك قىزمەت كورسەتۋ ورتالىعىنىڭ ديرەكتورى نۇربول زۇلقارناەۆ ءاربىر ازامات قالانىڭ دامۋىنا ۇلەس قوسۋعا مىندەتتى ەكەنىن اتاپ ءوتتى.
«بۇگىن «تازا قازاقستان» اكتسياسى اياسىندا «نۇرلى جۇرەك» ورتالىعىنىڭ اۋماعىندا 40 الما اعاشى وتىرعىزىلدى. ءبىزدىڭ ورتالىقتا 271 بالا ارنايى الەۋمەتتىك قىزمەتتەر الادى جانە بولاشاقتا ولاردىڭ الما باعى بولادى دەپ ۇمىتتەنەمىز. ءبىز ءار بەيسەنبىدە قوسىمشا ەكواكتسيا وتكىزىپ, اۋماقتى تازالايمىز. ارقايسىمىزدا ازاماتتىق سانا بولۋى كەرەك. تازالىقتى ساقتاپ, قالانى رەتكە كەلتىرۋىمىز قاجەت», – دەيدى نۇربول زۇلقارناەۆ.
ايتا كەتەيىك, بۇل اپتا «ونەگەلى ۇرپاق» دەپ اتالادى جانە ارداگەرلەر اۋلالارى مەن قارتتار ۇيلەرىنىڭ اۋماعىن تازالاۋعا جانە اباتتاندىرۋعا ارنالعان.
«ونەگەلى ۇرپاق» ەكواپتاسى اياسىندا ءبىز 4 مەكتەپتىڭ اۋماعىندا, سونداي-اق «نۇرلى جۇرەك» الەۋمەتتىك قىزمەت كورسەتۋ ورتالىعىندا اعاش وتىرعىزۋ ءىس-شاراسىن وتكىزدىك. ورتالىق اۋماعىندا 40-قا جۋىق اعاش وتىرعىزدىق. ايتا كەتۋ كەرەك, باسقا مەكتەپتەردىڭ اۋماعىندا الما اعاشتارى مەن قاراپايىم كوشەتتەر وتىرعىزۋ جوسپارلانىپ وتىر», – دەدى استانا قالاسى اكىمدىگىنىڭ جاستار ساياساتى ماسەلەلەرى باسقارماسىنىڭ رەسمي وكىلى الىبەك ءجۇسىپوۆ.
ەڭ الدىمەن, ءىس-شاراعا قاتىسۋشىلار اۋلانىڭ ىشىندەگى قوقىستاردى تازالاپ, اۋماقتى سىپىرىپ, اعاش وتىرعىزۋ ءۇشىن قاجەتتى قۇرالداردى دايىندادى.
«جاس سارباز» قوزعالىسىنىڭ تاربيەلەنۋشىلەرىمەن بىرلەسىپ, ءبىز «تازا قازاقستان» ەكواكتسياسىنا, اتاپ ايتقاندا اعاش وتىرعىزۋعا قاتىستىق. اكتسيانىڭ ماڭىزدى ەكەنىن اتاپ وتكىم كەلەدى جانە ءتورت اپتا بويى ءبىز قالانى تازالاپ كەلەمىز. اكتسيا جاستاردى دۇرىس ءىس-ارەكەتكە باعىتتايدى», – دەدى «باقىتتى شاڭىراق» قوعامدىق قورىنىڭ باسشىسى بوتاگوز سۇلتانوۆا.
اكتسياعا قاتىسۋشى, «جاس سارباز» تاربيەلەنۋشىسى البينا قايروللاەۆا ءوز پىكىرىمەن ءبولىستى.
«ءبىز بالالارمەن بىرگە «تازا قازاقستان» باستاماسىن قولداۋ ءۇشىن قاتىسامىز. مەنىڭ ويىمشا, قالانى تازالاۋ ارقىلى ءبىز دەنساۋلىعىمىزدى جاقسارتامىز. سوندىقتان الەۋمەتتىك قىزمەت كورسەتۋ ورتالىقتارىنىڭ اۋماعىندا سەنبىلىكتەر ۇيىمداستىرۋ اسا ماڭىزدى», – دەيدى البينا قايروللاەۆا.
ەستەرىڭىزگە سالا كەتەيىك, ەلوردادا «تازا قازاقستان: استانا – تازالىق پەن ءتارتىپتىڭ ۇلگىسى» اتتى اۋقىمدى ەكولوگيالىق اكتسيا ءوتىپ جاتىر.
اۋقىمدى ەكواكتسيا اياسىندا قالانى سانيتارلىق تازارتۋ, نوسەر جانە ارىق كارىز جەلىلەرى, كوشەلەردى, تروتۋارلاردى, كۆارتالىشىلىك اۋماقتاردى, قوعامدىق كەڭىستىكتەر مەن اۋلالاردى تازالاۋ جۇمىستارى جۇرگىزىلۋدە.
سونداي-اق, جاسىل جەلەكتەردى كۇتىپ-باپتاۋ جانە وتىرعىزۋ, ساۋدا نىساندارىنا ىرگەلەس اۋماقتاردى جيناۋ, كوگالدار مەن گۇلزارلاردى ورناتۋ, رۇقسات ەتىلمەگەن پوليگونداردى جويۋ جانە ت.ب. جۇمىستار جۇرگىزىلۋدە.
