جاستارعا ارنالعان جاڭا مۇمكىندىكتەر

كەشە ەلوردادا قازاقستاننىڭ شەتەلدەگى ستۋدەنتتىك ۇيىمدارىنىڭ ءىV سلەتى باستالدى. شاراعا الەمنىڭ 16 ەلىنەن 250-دەن اسا ستۋدەنت كەلدى.

سلەت «بولاشاق» قاۋىمداستىعى, «جاس وتان» جاستار قاناتى جانە قر ءبىلىم جانە عىلىم مينيسترلىگىنىڭ قولداۋىمەن ءوتىپ جاتىر. ۇلىبريتانيا, كانادا, گەرمانيا, فرانتسيا, يسپانيا, ۆەنگريا, مالايزيا جانە باسقا ەلدەردەن كەلگەن قاتىسۋشىلار الدىمەن ستۋدەنتتىك ۇيىمداردىڭ اتقارعان جۇمىستارىمەن تانىستى. شارانىڭ پلەنارلىق بولىگىن «بولاشاق» قاۋىمداستىعىنىڭ مۇشەسى, «نۇر وتان» پارتياسى قوعامدىق ساياسات ينستيتۋتىنىڭ ديرەكتورى ساياسات نۇربەك جۇرگىزدى. «بىزدەر, «بولاشاق» باعدارلاماسىنىڭ تۇلەكتەرى, وزىمىزگە ارتىلعان زور جاۋاپكەرشىلىكتى سەزىنە ءبىلۋىمىز قاجەت. بۇگىندە باعدارلامانىڭ 8 جارىم مىڭنان استام تۇلەگى بار. بىراق, ولاردىڭ اراسىندا جەكە كاسىپ باستاۋعا ۇمتىلاتىندارى از ەكەن. جاستاردىڭ تەك كونسالتينگ, مەملەكەتتىك جانە جەرگىلىكتى باسقارۋ سالاسىنا قىزىقپاي, بيزنەس سالاسىنا دا نازار اۋدارعانى ءجون» دەدى ساياسات نۇربەك.

ال, «بولاشاق» قاۋىمداستىعى كەڭەسىنىڭ توراعاسى قۋاندىق بيشىمباەۆ قاتىسۋشىلارعا جاس مامانداردى قولداۋعا باعىتتالعان باعدارلامالار مەن بايقاۋلار تۋرالى ماعلۇمات بەردى. «ەل اراسىندا «قازىر جاستاردىڭ كوپشىلىگى مەملەكەتتىك قىزمەتكە ۇمتىلادى» دەگەن قاساڭ ستەرەوتيپ بار. بىراق, مەن جەكە سەكتوردا دا جەمىستى ەڭبەك ەتىپ جۇرگەن جاستاردىڭ كوپ ەكەنىن ايتقىم كەلەدى. «بولاشاق» قاۋىمداستىعى جاس كاسىپكەرلەردى قولداۋ ماقساتىندا ءتۇرلى ستارت-اپ جوبالاردى قولعا الدى. جاقىن ارادا بيزنەس-كەيستەر جيناعى جارىققا شىعادى. وندا جەكەلەگەن كومپانيالار مەن قاۋىمداستىقتاردىڭ وكىلدەرى ءوز تاجىريبەلەرىمەن بولىسەدى. سونداي-اق, سوڭعى جىلدارى «بولاشاق» الەمدىك بلوكباستەرلەردى قازاق تىلىنە اۋدارىپ, كورەرمەنگە ۇسىنىپ جاتىر. بۇل قاۋىمداستىقتىڭ تاعى ءبىر يگى باستاماسى دەپ بىلەمىن» دەيدى قۋاندىق ءۋاليحانۇلى.

پلەنارلىق وتىرىستا جاستار ساياساتىن ىسكە اسىرۋ ماسەلەلەرى مەن «EXPو-2017» كورمەسىنىڭ جاستارعا ارنالعان جاڭا مۇمكىندىكتەرى دە ايتىلدى. ال, بۇگىن شارا قوناقتارى قازاق گۋمانيتارلىق-زاڭ ۋنيۆەرسيتەتىندە ۇيىمداستىرىلعان بيزنەس-ترەنينگتەرگە قاتىسىپ جاتىر. سلەتتى كەشكە «Pecha Kucha Night Astana» كونفەرەنتسيا فورماتىنداعى كەزدەسۋ قورىتىندىلايدى.

روزا ارەن