الداعى جىلدىڭ 1 قاڭتارىنان باستاپ تەگىن ءدارى-دارمەك بويىنشا ەلەكتروندى انىقتامالىق ىسكە قوسىلادى. وسىعان بايلانىستى, حالىقتى تەگىن دارىلەرمەن قامتاماسىز ەتۋ ماسەلەلەرىن 1439 بىرىڭعاي جەدەل جەلى نومىرىنە حابارلاسىپ بىلۋگە بولادى.
بايلانىس ورتالىعىنىڭ وپەراتورلارى امبۋلاتورلىق ەمدى الاتىن ەمدەلۋشىلەرگە تەگىن بوساتىلاتىن قاجەتتى ءدارى-دارمەكتەردى جەتكىزۋ مەرزىمدەرى, كولەمدەرى مەن جوسپارلانعان كۇنى تۋرالى اقپاراتتى بەرەدى.
بىرىڭعاي ديستريبيۋتور «سق-فارماتسيا» جشس باسقارما توراعاسىنىڭ مىندەتىن اتقارۋشى بەرىك ءشارىپتىڭ ايتۋىنشا, بايلانىس ورتالىعىنىڭ قىسقا ءنومىرىن ىسكە قوسۋ – بۇل دەنساۋلىق ساقتاۋدى تسيفرلاندىرۋ شەڭبەرىندە كومپانيا جۇزەگە اسىرىپ وتىرعان بىرنەشە جوبالاردىڭ ءبىرى. تاعى ءبىر جوبا, دارىلەردى جەتكىزۋ تۋرالى ەمدەلۋشىلەردى حاباردار ەتۋ ءۇشىن جوسپارلانعان. بۇل – ەمحانالاردا تەگىن دارىلەردىڭ بولۋى بويىنشا بىرىڭعاي ەلەكتروندى انىقتاما.
