ازىق-تۇلىك باعاسى قىمباتتاعان تۇستا, جىل سايىن ەلىمىزدىڭ ءار وڭىرىنەن كەلەتىن جارمەڭكەنىڭ تۇرعىندار ءۇشىن پايداسى ۇشان-تەڭىز. وسىنداي جارمەڭكەنىڭ ءبىرى – الماتى وبلىسىنىڭ اۋىلشارۋاشىلىعى جارمەڭكەسى. دەمالىس كۇندەرى وقۋشىلار سارايى الاڭىندا وتكەن شاراعا 324 تونناعا جۋىق ءونىم جەتكىزىلدى, ونىڭ ىشىندە جەمىس-كوكونىس, قۇس ەتى, بالىق, ءسۇت ونىمدەرى بار.
جارمەڭكەدە ازىق-تۇلىكتىڭ مول ءتۇرى ارزان باعادا ساتىلدى. ەلوردالىق تۇرعىندار ىلەنىڭ قىمىزىنا, بالقاشتىڭ بالىعىنا, الاكولدىڭ بالىنا, قاراوتكەلدىڭ كۇرىشىنە, كوكسۋدىڭ كارتوبى مەن پيازىنا, قاراسايدىڭ قيارىنا, تالعاردىڭ الماسىنا قارىق بولدى. الماتى وبلىسىنىڭ 15 اۋدانى مەن 3 قالاسى اتسالىسقان جارمەڭكە وڭىرلىك اۋىلشارۋاشىلىعىن دامىتۋدى, وتاندىق ءونىمدى قولداۋدى ماقسات ەتەدى. وبلىس اگرارشىلارى جالپى سوماسى 160094,0 ملن تەڭگەگە 323842,0 توننا ءونىم اكەلدى. بۇل – 7000 كگ قۇس ەتى, 11800 كگ بالىق, 2500 كگ ءسۇت ونىمدەرى (ماي, ىرىمشىك, سۇزبە), 49660 كگ كارتوپ, 13985 كگ قىرىققابات, 11650 كگ قىزاناق, 10670 كگ قيار, 16500 كگ ءسابىز, 39618 كگ پياز جانە باسقا دا جەمىس تۇرلەرى.
«الماتى وبلىسى جىل سايىن ەلوردالىقتاردى ازىق-تۇلىكپەن قامتاماسىز ەتۋ ءۇشىن جارمەڭكە وتكىزەدى. قانتتىڭ قىمباتتاۋىنا بايلانىستى 17 توننا قۇمشەكەر اكەلدىك, 20 توننا كۇرىشىمىز بار. «جەتىسۋ» الەۋمەتتتىك كورپوراتسياسى اكەلگەن قاۋىن-قاربىزدار تۇگەل ساتىلىپ كەتتى» دەيدى وبلىستىق اۋىل شارۋاشىلىعى باسقارماسىنىڭ وكىلى تالعات الىباەۆ. جارمەڭكەدە وتاندىق ونىمدەرگە باعا ورتاشا ەسەپپەن بازارداعىدان 15 پايىزعا تومەن بولدى. اتاپ ايتقاندا, سۋداك-سازان بالىقتارى 600-700 تەڭگەدەن, جۇمىرتقا – 215, قىمىز – 450, شۇبات – 550, بال –1000, الما – 250, قىزاناق – 300, قيار – 200, قىرىققابات – 80, كارتوپ 120 تەڭگەدەن ساتىلدى.
«ءدال قازىر توساپ قايناتۋ, سالات باسۋ ماۋسىمى. بازارداعى باعا ۇشىپ تۇر. سوندىقتان وسىنداي جارمەڭكەلەر ءجيى ۇيىمداستىرىلسا ەكەن. كۇرىش پەن قانتتى قاپپەن ساتىپ الدىم. قيار مەن قىزاناقتىڭ باعاسى دا تومەن ەكەن. ماكاروننىڭ كەلىسىن 170 تەڭگەگە, قاربىز 55 تەڭگەگە الىپ, قۋانىپ تۇرمىن. اسىرەسە, ءسۇت ونىمدەرى مولىنان ساتىلدى. قايماق, قاتىق, قۇرت, ىرىمشىكتەر تۇسكە دەيىن تاۋسىلىپ كەتتى» دەيدى قالا تۇرعىنى بيبىگۇل قالدىباەۆا.
گۇلميرا ايماعانبەت
