تامىز ايىنىڭ 5-ءنشى جۇلدىزىنان باستاپ, ەلىمىزدەگى قولدانىستاعى سالىق ەسەبى ۇلگىسىنە بىرقاتار وزگەرىستەر ەنگىزىلەدى. نەگىزىندە ەنگىزىلەتىن وزگەرىستەر قر قارجى ءمينيسترىنىڭ 21 ماۋسىم كۇنگى بۇيرىعى بويىنشا بەكىتىلگەن. بۇل بۇيرىق رەسمي جاريالانعاننان كەيىن 10 كۇننەن سوڭ كۇشىنە ەنەدى.
– وزگەرىستەر تەك سالىق ەسەبى ۇلگىسىنە عانا ەمەس, تولتىرۋ تارتىبىنە دە ەنگىزىلدى. ماسەلەن, 200-دەن 590-عا دەيىنگى ۇلگىلەرگە وزگەرىس ەنگىزىلسە, 700, 701.00, 701.01 ۇلگىلەرىنىڭ تولتىرۋ ءتارتىبى وزگەردى. سونداي-اق, 100.00, 150.00, 230.00, 300.00, 910.00, 920.00 سالىق ەسەبى ۇلگىلەرىن دە تولتىرۋ ءتارتىبى بۇرىنعىسىنان بولەك, – دەپ تۇسىنىكتەمە بەردى استانا قالاسى بويىنشا مەملەكەتتىك كىرىس دەپارتامەنتى ءتۇسىندىرۋ جۇمىستارى باسقارماسىنىڭ ءبولىم باستىعى ءمادينا قاليەۆا.
ونىڭ ايتۋىنشا, 100 سالىق ۇلگىسىنىڭ تولتىرۋ تارتىبىندە كاسىپكەرلىك كودەكسىنە جاسالاتىن سىلتەمە قر «ينۆەستيتسيا تۋرالى» زاڭىنىڭ كۇشىن جويۋىنا بايلانىستى وزگەرگەن. ال 200 سالىق ۇلگىسىندە «سالىق تولەۋشى ساناتى» دەپ جازىلعان جولدا «اسج (ارنايى سالىق جۇيەسىن) قولداناتىن سالىق تولەۋشى, اۋىل شارۋاشىلىعى ونىمدەرىن وندىرەتىندەر, اكۆاونىم (بالىق شارۋاشىلىعى) مەن اۋىل شارۋاشىلىق تۇتىنۋ كووپەراتيۆتەرى» دەگەن ناقتىلانعان رەداكتسيا-دا بەرىلگەن. 230 ۇلگىسىندە تولتىرۋ تارتىبىندەگى سىلتەمە «جەمقورلىققا قارسى كۇرەس تۋرالى» زاڭىنا وزگەرگەن. ول بۇرىن «جەمقورلىقپەن كۇرەس تۋرالى» زاڭ بولىپ كورسەتىلگەن. قالعان ۇلگىدەگى وزگەرىستەر, تولتىرۋ تارتىبىندەگى وسىنداي تولىقتىرۋلار سالىق تولەۋشىلەرگە بيىلعى جىلدىڭ 5-ءشى تامىزىنان باستاپ قولجەتىمدى بولادى. ولار جاڭا ۇلگىلەرمەن 5-ءشى تامىزدان كەيىن عانا تانىسا الادى.
مەڭدوللا نۇرىمۇلى
