جيىرما جەتىنشى «جاس قانات»
كەشە استانادا «جاس قانات-2018» جاس ورىنداۋشىلاردىڭ ءححVIى رەسپۋبليكالىق بايقاۋى اشىلدى. 27 مامىرعا دەيىن جالعاساتىن بايقاۋدا وسى جولى استانا, الماتى, تاراز, قاراعاندى, پەتروپاۆل, ورال قالالارى مەن اقتوبە وبلىسىنان 12 ءانشى ونەر جارىستىرادى.
استانانىڭ اتىنان بايقاۋعا دياس كارىمجانوۆ, باقتيار اقىلبەك جانە زاميرا ساعاديەۆا قاتىسىپ جاتىر. «جاس قاناتتىڭ» ءبىرىنشى كونكۋرستىق كۇنىن ورالدىق ريزا ماعزوم اشىپ, تارازدىق ساۋلە تىنىشتىقوۆا تۇيىندەدى. جەڭىمپازدار 27 مامىر كۇنى انىقتالادى. بۇگىن بەيبىتشىلىك جانە كەلىسىم سارايىندا ەكىنشى كونكۋرستىق كۇنىن جانە ەرتەڭ اتالمىش ورىندا فينالدى تاماشالاۋعا بولادى.
بيىلعى بايقاۋ شەڭبەرىندە «ارمانعا قاراي ءبىر قادام» اتتى ارنايى جوبا ۇيىمداستىرىلادى. وعان قاتىساتىن قاراعاندىلىق وركەن ميروۆ, قىزىلوردالىق اقبوتا قۇسنادين جانە ەلوردالىق راۋان مەيرامبەكقىزى مەن توعجان قالي ۇلكەن ساحنادان ءان سالۋعا جانە «جاس قانات-2019» بايقاۋىنا قاتىسۋعا مۇمكىندىك الادى.