نۇر-سۇلتان قالاسى – «جۇمىسپەن قامتۋدىڭ جول كارتاسىن» جۇزەگە اسىرۋ بويىنشا كوشباسشى ورىندا. بيىل ەلوردادا جقجك بويىنشا 151 ينفراقۇرىلىمدىق جوبانى ىسكە اسىرۋ جوسپارلانعان بولسا, جول كارتاسى اياسىندا ەلوردادا مەكتەپتەر, اۋرۋحانالار, تۇرعىن ۇيلەر, جولدار مەن كولىك-ينجەنەرلىك ينفراقۇرىلىم جوندەلدى. ءبىر اۋرۋحانا مەن ەكى ەمحانا كۇردەلى جوندەۋدەن ءوتتى. ءبىلىم بەرۋ سالاسىندا 10 بالاباقشا, 10 مەكتەپ, 5 ۇيىم جاڭارتىلدى.
بۇگىنگى تاڭدا «جۇمىسپەن قامتۋدىڭ جول كارتاسى» باعدارلاماسى اياسىندا نۇر-سۇلتان قالاسىندا 1600-گە جۋىق ادام جۇمىس ىستەيدى. جۇمىسپەن قامتۋ ورتالىعى ارقىلى 8133 ادام, مەردىگەرلەر ارقىلى 7826 ادام جۇمىسقا ورنالاستىرىلدى. 1500-گە جۋىق ادام تۇراقتى جۇمىس تاپتى. اتقاراتىن لاۋازىمىنا جانە ورىندايتىن جۇمىسىنا بايلانىستى جالاقى كولەمى – 85000 تەڭگەدەن 250000 تەڭگە ارالىعىندا.
سونداي-اق, جقجك اياسىندا № 49 ورتا مەكتەپتە جوندەۋ جۇمىستارى جۇرگىزىلدى. 2005 جىلى 1300 بالاعا ارنالعان مەكەمە پايدالانۋعا بەرىلدى. «يندۋستروي-2» جشس جۇرگىزگەن جوندەۋ جۇمىستارىنا 98 ادام جۇمىلدىرىلدى. ونىڭ ىشىندە 47 ادام جۇمىسپەن قامتۋ ورتالىعى ارقىلى جۇمىسقا ورنالاستىرىلدى.
