ەلوردا اكىمدىگى جاڭا جىلدا شاھار تۇرعىندارى ءۇشىن كەرەمەت مەرەكەلىك باعدارلاما ازىرلەدى. ساعات 21.00-دەن 03.00-گە دەيىن «حان شاتىر» سوو مۇز قالاشىعىندا 2017 جىلدى قارسى الۋعا نيەتتى استانالىقتار قازاق ەسترادا جۇلدىزدارىنىڭ قاتىسۋىمەن شوۋ-باعدارلاما مەن كونتسەرتتى تاماشالايدى.
سىزدەر ءۇشىن ايقىن تولەپبەرگەن, ءالي وقاپوۆ, مارجان اراپباەۆا, اعايىندى جۇگىنىسوۆتەر, «وردا» توبى, «دابىل» توبى جانە ت.ب. ارتىستەر ونەر كورسەتەدى. ەلىمىزدەگى باس شىرشانىڭ جانىندا اشىلعان مۇز قالاشىعىنا كەلۋشىلەر قىزىقتى كەشكە كۋا بولادى.
داستۇرگە اينالعان مەرەكەلىك وتشاشۋ ەلوردانىڭ ءۇش اۋدانىندا, اتاپ ايتقاندا, «حان شاتىر» سوو مەن ەسىل وزەنىنىڭ جاعالاۋىندا, سونداي-اق ابىلاي حان داڭعىلى مەن ا.پۋشكين كوشەسىنىڭ قيىلىسىنداعى گۇلزاردا بولادى دەپ كۇتىلۋدە. ال كونكي تەبۋدى ۇناتاتىن جاندار ءۇشىن جاعالاۋداعى جاڭا جىلدىق ءتۇن ەرەكشە بولماق. مۇندا قالا تۇرعىندارى ءۇشىن جاپپاي كونكي تەبۋ ۇيىمداستىرىلادى.
قىستىڭ قىزىعىنان قۇر قالماڭىزدار!
گۇلدانا تالعاتقىزى
