بيىل جىلدىڭ باسىنان باستاپ استاناداعى مانساپ ورتالىعىنا 2 830 جاستار ءوتىنىم قالدىرعان. جۇمىسقا ورنالاستىرۋ شارالارىمەن 1194 ادام قامتىلىپ, ونىڭ ىشىندە 785 ازامات جۇمىسقا ورنالاستىرىلعان. ناتيجەسىندە 112 مامان تۇراقتى جۇمىسقا ورنالاستى, دەپ حابارلايدى astana-akshamy.kz استانا قالاسىنىڭ كوممۋنيكاتسيالار قىزمەتىنە سىلتەمە جاساپ.
بۇل تۋرالى بۇگىن استانا قالاسىنىڭ كوممۋنيكاتسيالار قىزمەتىندە جاستاردى جۇمىسپەن قامتۋ: العاشقى جۇمىس ورنى, جاستار تاجىريبەسى جانە ۇرپاقتار كەلىسىمشارتى تۋرالى وتكەن بريفينگتە استانا قالاسىنىڭ «ەڭبەك موبيلدىلىگى ورتالىعى» قمم ديرەكتورى ولجاس ومار ايتتى.
-673 جاس مامان جەڭىلدەتىلگەن جۇمىس ورىندىرىنا جىبەرىلدى, ونىڭ ىشىندە 114 مامان «جاستار تاجىريبەسى» باعدارلاماسى بويىنشا مەملەكەت تاراپىنان قولداۋ السا, 23 مامان «العاشقى جۇمىس ورنى» باعدارلاماسىمەن, 60 مامان الەۋمەتتىك جۇمىس ورىندارىنا, 476 مامان قوعامدىق جۇمىستارعا ورنالىستىرىلعان. جۇمىسسىز ازاماتتاردى جۇمىسپەن قامتۋ جانە جۇمىسقا ورنالاستىرۋ استانا قالاسىنىڭ «ەڭبەك موبيلدىلىگى ورتالىعى» كمم باستى مىندەتتەرىنىڭ ءبىرى بولىپ سانالادى, – دەيدى سپيكەر.
استانا قالاسىنىڭ «ەڭبەك موبيلدىلىگى ورتالىعى» قمم ديرەكتورى جاستاردى جۇمىسقا ورنالاستىرۋ ماقساتىندا ىسكە اسىپ جاتقان العاشقى جۇمىس ورنى, جاستار تاجىريبەسى جانە ۇرپاقتار كەلىسىمشارتى سىندى ءۇش باعدارلاماعا توقتالدى.
العاشقى جۇمىس ورنى – العاش جۇمىس ىزدەپ جۇرگەن جۇمىسسىزدارعا جۇمىس ورنىن جانە قاجەتتى ەڭبەك داعدىلارىن بەرۋگە باعىتتالعان جوبا. جوبانىڭ شارتتارى بويىنشا كەپىلدەندىرىلگەن جالاقى – 30 اەك (110 760 تەڭگە) قۇرايدى. پراكتيكادان ءوتۋ مەرزىمى ەڭبەك وتىلىنە ەسەپتەلەدى. مەكەمەدە تۇراقتى جۇمىسقا ورنالاسۋ مۇمكىندىگى ارتادى, ۇزاقتىعى 18 اي. تالاپ ماماندىق بويىنشا جۇمىس تاجىريبەسىنىڭ بولماۋى, جاسى 35 جاستان اسپاۋى ءتيىس.
جاستار تاجىريبەسى (پراكتيكاسى) – كوللەدجدەر مەن جوعارى وقۋ ورىندارىنىڭ تۇلەكتەرىنە ماماندىعى بويىنشا باستاپقى جۇمىس تاجىريبەسىن الۋ ءۇشىن ارنالعان. جۇمىسقا ورنالاسۋعا قويىلاتىن تالاپتار: ۋنيۆەرسيتەت نەمەسە كوللەدج ديپلومىنىڭ 5 جىلدان اسپاۋى, كاسىبي تاجىريبەنىڭ بولماۋى, جاسى 35 جاستان اسپاۋى ءتيىس. كەپىلدەندىرىلگەن جالاقى – 30 اەك (110 760 تەڭگە) قۇرايدى. پراكتيكادان ءوتۋ مەرزىمى ەڭبەك وتىلىنە ەسەپتەلەدى. جاستارعا تۇراقتى جۇمىسقا ورنالاسۋعا مۇمكىندىگى ارتادى.
ۇرپاقتار كەلىسىمشارتى – زەينەتكەرلىك جاسقا تولعان جۇمىس ىستەپ جۇرگەن قىزمەتكەردى كەيىننەن اۋىستىرا وتىرىپ, وقۋ ورىندارىنىڭ تۇلەكتەرىن جۇمىسقا ورنالاستىرۋعا ارنالعان. بۇل باعدارلاما شارتى بويىنشا جۇمىسقا ورنالاساتىن ماماننىڭ ۋنيۆەرسيتەت نەمەسە كوللەدج ديپلومىنىڭ 3 جىلدان اسپاۋى, جاسى 35 جاستان اسپاۋى ءتيىس. كەپىلدى جالاقى – 30 اەك (110 760 تەڭگە) قۇرايدى. پراكتيكادان ءوتۋ مەرزىمى ەڭبەك وتىلىنە ەسەپتەلەدى. مەكەمەدە تۇراقتى جۇمىسقا ورنالاسۋ مۇمكىندىگى ارتادى, ۇزاقتىعى 6 اي.
سونىمەن قاتار كاسىپكەرلىك بەلسەندىلىكتى ارتتىرۋعا باعىتتالعان ءىس-شارالار اياسىندا «ەلەكتروندىق ەڭبەك بيرجاسى» ارقىلى 158 جاس, «Bastau Business» كاسىپورنىندا 220 جاس كاسىپكەرلىك نەگىزدەرىنە ونلاين وقىتۋدان ءوتتى. 2023 جىلدان باستاپ جاستارعا ارنالعان جەڭىلدەتىلگەن نەسيەلەۋ باعدارلاماسى جۇزەگە اسىرىلۋدا. شاعىن نەسيە 21 مەن 35 جاس ارالىعىنداعى جاس كاسىپكەرلەردى قولداۋعا باعىتتالعان. باعدارلاماعا جۇمىس ىستەيتىن جاستاردىڭ وكىلدەرى قاتىسا الادى.
