جىلۋ ورتالىعىن ارالادى
ەلوردا باسشىسى التاي كولگىنوۆ قىسقى ماۋسىمعا بايلانىستى شاھارداعى 1 جانە 2-ءشى جىلۋ ەلەكتر ورتالىعىنىڭ دايىندىعىن تەكسەردى.
بۇگىندە 1-جىلۋ ەلەكتر ورتالىعى كوتلواگرەگات پەن تۋربوگەنەراتورمەن اۋىستىرىلىپ, ءتۇتىن قۇبىرلارىن قايتا جاڭارتۋ مەن نەگىزگى جانە قوسالقى جابدىقتارعا مونتاجداۋ جۇمىستارى جۇرگىزىلدى. سونداي-اق قازىرگى كۇنى №4 قازاندىقتى قايتا جاڭارتۋ مەن تۋربينالارىن اۋىستىرۋ جۇمىسى جۇرگىزىلىپ جاتىر.
ال 2-جىلۋ ەلەكتر ورتالىعىنىڭ باس كورپۋسى مەن سۋ جىلىتۋ قازاندىعى كەڭەيتىلىپ, №4,5 ءتۇتىن قۇبىرلارىنىڭ قۇرىلىسى جانە نەگىزگى جانە قوسالقى جابدىقتارىن مونتاجداۋ جۇمىستارى ىستەلدى.
بۇگىندە الەۋمەتتىك نىساندار مەن تۇرعىن ۇيلەردىڭ جىلۋ بەرۋ ماۋسىمىنا دايىندىعى 95 پايىزدى قامتيدى.
قالا اكىمى دايىندىق بارىسىن ءوز كوزىمەن كورىپ, جىلۋ ەلەكتر ورتالىقتارى شاھاردى جىلۋمەن قامتاماسىز ەتۋگە ساقاداي ساي بولۋ كەرەكتىگىن ايتتى. قازىرگى كۇنى قالا ءۇشىن قاجەتتى وتىن قورى جيناقتالعان.