ءبىلىم كۇنىندە مينيسترلەر بىرقاتار مەكتەپتەردى ارالاپ, مۇعالىم رەتىندە ساباق جۇرگىزدى.
ماسەلەن, ۇكىمەت باسشىسىنىڭ ورىنباسارى – قارجى مينيسترى ءاليحان سمايىلوۆ قالاداعى №22 مەكتەپكە بارىپ, «سانالى ۇرپاق – جارقىن بولاشاق» اتتى پاتريوتيزم ساباعىن وتكىزدى. ول ساباق بارىسىندا ۇكىمەتتىڭ قىزمەتى جانە قارجى مينيسترلىگىنە جۇكتەلگەن ماڭىزدى ماسەلەلەر تۋرالى اڭگىمەلەپ بەردى. «قازىرگى ۋاقىتتا ساتتىلىككە جەتۋ ءۇشىن ۇنەمى ۇيرەنىپ, ءوزىڭدى-ءوزىڭ جەتىلدىرىپ وتىرۋىڭ ءتيىس. ءبىز ويلاۋدى جانە شەشىم قابىلداۋدى, ينتەللەكتۋالدى جانە رۋحاني باي تۇلعا بولۋدى ۇيرەنۋىمىز قاجەت. ال ءوز ەلىنىڭ پاتريوتى بولۋ ءۇشىن تاريحتى وقىپ, اتا-بابالارىڭىزبەن ماقتانا ءبىلۋىڭىز كەرەك. ولارعا لايىقتى بولۋعا ۇمتىلۋ ماڭىزدى» دەدى ول وقۋشىلارمەن سۇحباتتاسۋ كەزىندە.
بۇدان بولەك, يندۋستريا جانە ينفراقۇرىلىمدىق دامۋ ءمينيسترى رومان سكليار №31 مەكتەپتە, مادەنيەت جانە سپورت ءمينيسترى اقتوتى رايىمقۇلوۆا №72 مەكتەپ-ليتسەيدە, قر قورعانىس ءمينيسترى نۇرلان ەرمەكباەۆ ەلوردانىڭ ىرگەسىندەگى قوسشى اۋىلىنداعى №2 ورتا مەكتەپتە قوناق بولىپ, وزدەرىن ءبىر ءسات مۇعالىمنىڭ رولىندە سەزىندى.
