استانادا تۇرعىن ۇيلەردى جانە الەۋمەتتىك نىسانداردى جىلىتۋ ماۋسىمىنا ازىرلەۋ جۇمىستارى قارقىن الۋدا. قازىرگى ۋاقىتتا الماتى اۋدانىنداعى 1035 كوپ پاتەرلى تۇرعىن ءۇيدىڭ 830-ى جىلىتۋ ماۋسىمىنا تولىعىمەن دايىن. بۇل تۋرالى اۋدان اكىمىنىڭ اپپاراتى ءمالىم ەتتى.
ەسەپ بەرۋ جينالىستارىندا پاتەر يەلەرى جوندەۋ جۇمىستارىنىڭ كولەمىن انىقتاپ, ماقساتتى قاراجات جيناۋدى ۇيىمداستىردى. وسىلايشا, دايىندىق بارىسىندا 43 ءۇيدىڭ توبە جابىندىسى جاڭعىرتىلدى. وتىز جەتى ءۇيدىڭ جىلۋمەن قامتۋ جۇيەلەرى جانە 12 ۇيدە جىلۋ الماستىرۋ قوندىرعىلارى اۋىستىرىلدى. سونداي-اق, 140 كىرەبەرىسكە جوندەۋ جۇرگىزىلىپ, 80 ءۇيدىڭ سۋ جانە كارىز قۇبىرلارى, 60 ءۇيدىڭ ەلەكتر جۇيەلەرى جاڭارتىلدى.
بۇدان باسقا, قىسقا دايىندىق جۇمىستارى اياسىندا 140 كىرەبەرىس جوندەلدى, 35 تۇرعىن ۇيدە سۋ ەنگىزۋ قۇبىرلارى اۋىستىرىلدى, 31 ۇيدە سۋ ەسەپتەۋ قۇرالدارى, سونداي-اق, 245 تۇرعىن ۇيدە جالپىعا ورتاق جىلۋ ەسەپتەۋ قۇرالدارى ورناتىلدى.
قىسقا دايىندىق جۇمىستارى اۋداننىڭ الەۋمەتتىك نىساندارىندا دا جۇرگىزىلۋدە.
بۇگىندە 16 دەنساۋلىق ساقتاۋ مەكەمەسىنىڭ 12-ءسى, 65 ءبىلىم بەرۋ مەكەمەسىنىڭ 58-ءى جانە 4 مادينيەت نىسانىنىڭ بىرەۋى دايىندىق جۇمىستارىن اياقتادى.
بارلىق جوندەۋ جۇمىستارى بەكىتىلگەن جوسپارعا سايكەس جۇزەگە اسىرىلادى جانە 1 قىركۇيەككە دەيىن تولىعىمەن اياقتالماق.
ساعي ورال
