Бәйге түрлерінен «Елорда Кубогы» республикалық турнир өтеді
![](https://astana-akshamy.kz/wp-content/uploads/2024/06/img-20240618-wa0077-780x470.jpg)
Астана қаласы әкімдігінің қолдауымен Астана қаласы Ұлттық және олимпиадалық ат спорты түрлері Федерациясының ұйымдастыруымен Астана күніне орай бәйге түрлерінен «Елорда Кубогы» республикалық турнир өтеді, деп хабарлайды astana-akshamy.kz
Еңселі елорда төсін дүбірге толтыруға еліміздің барлық облыстары мен қалаларынан таңдаулы жүйріктер Астана маңындағы «Астана-Талапкер» тас жолындағы атшабарында бақ сынайды.
Сәйгүліктер 7 шақырымдық «құнан» және «жорға» бәйге түрлерінен, 15 шақырымдық «топ» бәйге және 22 шақырымдық «аламан» бәйге бойынша сынға түседі.
Көпшілік көз тіккен жүйріктер сайысының жалпы жүлде қоры – 30 млн теңге.
Жарыс 08 шілде күні сағат 10:00-де басталады.
Ұлы даланы ат дүбірімен шулататын бәйгеде барлығыңызды жанкүйер болуға шақырамыз!