9 қазан – Дүниежүзілік пошта күні. Осындай айтулы мерекеде «Қазпошта» АҚ-тың «Астана почтамт» филиалы қала тұрғындарына арнап мерзімді баспасөзге жазылу күнін өткізді.
Таңғы тоғызда басталған игі шараға келген адамдардың қарасы онша көп болмады. Көбісі – орта жастан асқан кісілер. Олар өздері қалаған басылымға жазылып жатты. Біз шара барысында шаһардың байырғы тұрғыны Арыстан Мұратұлы деген қариямен жолығып, сөзге тарттық. Газетті іздеп жүріп оқитын оқырман екен. Таңғы тоғызда басталған игі шараға келген адамдардың қарасы онша көп болмады. Көбісі – орта жастан асқан кісілер. Олар өздері қалаған басылымға жазылып жатты. Біз шара барысында шаһардың байырғы тұрғыны Арыстан Мұратұлы деген қариямен жолығып, сөзге тарттық. Газетті іздеп жүріп оқитын оқырман екен. – Жыл сайын 5-6 басылымға жазыламын. Әйтеуір, зейнетақым бар. Балаларыма күш түсірмеймін. Бұрынғыдай көшеде газет сататын дүңгіршек жоқ. Содан кейін ана тілімізде жарық көретін газеттер қолымызға түспейді. Сосын жазыламын. Әрі күн сайын үйге келіп тұрады. Газет оқымасам, ауырамын. Жас күнімнен бойға сіңген әдет. Қартайсам да қалмайды. Бүгін мерзімді баспасөзге жазылушылар күні болады дегенді естіп, әдейі ерте келіп тұрмын, – деді Арыстан ақсақал.Жазылу күніне соншалықты көп редакция келген жоқ. Алты ғана газет-журналдың өкілдерін көрдік. Бәрі де елордада орналасқан. Ішінде «Астана ақшамы» мен «Вечерняя Астана» басылымдары болды. «Бүгін тамаша шара болып жатыр. Оқырмандармен бетпе-бет жүздесіп отырмыз. Біздің «National geographic Қазақстан» журналы 2016 жылдан бері жарық көреді. Алғашқы саны Елбасының құттықтауымен басылды. Басылымға әлемнің тарих, ғылым және мәдениет саласындағы соңғы жаңалықтары жарияланады. Журналдың 700 миллион аудиториясы бар. 80 елде, 38 тілде шығады. 38-ші тіл қазақ тілі болып тіркелген» деді журналдың маркетинг бөлімінің жетекшісі Оразалы Кәрімбаев. Газет-журналды үйге жаздыртып оқығанға не жетсін… Айтпақшы, сіз мерзімді баспасөзге жазылдыңыз ба?
Азамат Есенжол
