ЭКСПО-2017 аумағында орналасқан Энергия холында итальяндық пианист Андреа Луккезини Қазақстан Республикасы Мемлекеттік академиялық симфониялық оркестрінің сүйемелдеуімен жеке концерт берді.
Танымал музыкант Ла Скала сахнасында Дино Чиани атындағы конкурсты ұтып алып, жас күнінен бастап әлем сахналарында өнер көрсетіп келеді. Ол Бетховен туындыларының мағынасын терең түсініп, оның әуезді сазын тыңдарманына жеткізе білгені үшін де әлемнің саз өнерінен лайықты орын алды.
Оның орындауындағы Stradivarius студиясында шыққан Бетховеннің 32 сонатасының концерттік жазбасы жоғары бағаланып, беделді неміс журналының «Ай дискісі» сыйлығымен марапатталған. Астананың классикалық саз кешінде де атақты пианист Людвиг ван Бетховеннің «Прометей туындылары немесе музыка мен би құдіреті» увертюрасы мен фортепианоға арналған бірнеше туындыларын орындады.
Айгүл УАЙСОВА
