Дарындылар дараланды
Астанадағы Назарбаев орталығында Қазақстан Республикасы Тұңғыш Президенті – Елбасы қоры сыйлығының лауреаттары марапатталды.
Тоғызыншы мәрте өтіп отырған салтанатты шарада өнер мен ғылымға ерен үлес қосып, ел абыройын асқақтатып жүрген дарынды жастардың мәртебесі биіктеді. Биылғы Елбасы қоры сыйлығына әр өңірдегі талантты талапкерлерден 127 өтінім түскен. Қазылар құрамы солардың барлығын жіті зерделеп, 18 жобаны үздік деп таныған. Қатарластарынан суырылып шығып, бәйге алғандар қатарында елордалық Қ.Қуанышбаев атындағы Мемлекеттік академиялық қазақ музыкалық драма театрының әртісі Сырым Қашқабаев, «Астана Опера» мемлекеттік опера және балет театры КЕАҚ балет труппасының жетекші солистері Талғат Мұсабаев, Мәдина Басбаева, Қазақ ұлттық өнер университетінің 3-курс студенті, бүгінде аты әлемге танылған Димаш Құдайберген және Л.Гумилев атындағы Еуразиялық ұлттық университетінің Ғимараттар мен құрылыстарды жобалау кафедрасының доценті Рауан Лұқпанов секілді жалынды жастар бар.
Азамат ЕСЕНЖОЛ