Астанада «ELORDA CUP» дәстүрлі халықаралық турнирі өтіп жатыр. Ертең финалдық жекпе-жектер өтеді.
Бүгін жанкүйерлер «Дәулет» спорт кешенінде керілген шаршы алаңда жартылай ақтық сайыстарды тамашалай алады. Жекпе-жектер 14.00-де басталады.
Қазақстан, Өзбекстан, Қытай, Үндістан, Моңғолия және басқа да елдердің былғары қолғап шеберлері қатысып жатқан турнирдің жеңімпаздарына – 700 доллар, екінші орынға – 400 доллар, үшінші орынға 200 доллар мөлшерінде жүлде тағайындалған.
Халықаралық турнир ерлер және әйелдер арасында өтіп жатыр.
