Елордалық «Astana Tigers-KazATU» командасы «Ұлттық лиганың» әйелдер командалары арасында баскетболдан Қазақстан Республикасы чемпионатының қоласын жеңіп алды, деп хабарлайды astana-akshamy.kz
Ақтөбеде баскетболдан ел чемпионатының қола медалі үшін өзара бақ сынасқан Астана («Astana Tigers-KazATU») және Алматы («Tomiris») командаларының кездесуі өтті.
Астаналықтар қатарынан үшінші жеңіске жетіп, чемпионаттың қоласын жеңіп алды. Матч 76:52 есебімен аяқталды.
Алғашқы минуттардан бастап «Astana Tigers-KazATU» спортшылары жоғары қарқын алып, үздік командалық жұмыс көрсетті.
Елордалық баскетбол клубының екі ойыншысы чемпионаттың үздік бестігіне енді. Олар – Анна Безгодова мен Тамара Кузьмина.
