Дубай қаласында жақында пара жеңіл атлетикадан өткен Dubai 2024 World Para Athletics Grand Prix 15th Fazza International Athletics Championships жарысында елордалық пара спортшы Айсұлу Сүлейменова екінші орын алды, деп хабарлайды
Бұл – Астаналық спортшының халықаралық деңгейдегі алғашқы жарысы.
«Өте қуаныштымын. Қолдау білдірген барлық жандарға, Астана қалалық спорт басқармасы, Астана қаласы әкімдігінің мүмкіндіктері шектеулі тұлғаларға арналған «Елорда» спорт клубының әкімшілігі мен дене мүмкіндіктері шектеулі тұлғаларға арналған спорттық даярлау орталығына, жеке жаттықтырушым Айгүл Аржаниковаға алғысымды білдіремін. Жеңісті сәттің әсерін айтып жеткізе алмаймын, себебі бұл – керемет сезім. Бүгінгі жеңіс – еңбек пен айқын мақсаттың нәтижесі деп білемін, – деді пара спортшы.
