Бас қала тұрғындары үшін №5, 8, 11, 15 қалалық емханалар мен №1 көпбейінді балалар ауруханасының орталық зарарсыздандыру бөлімшесі ашылды.
Көптеген медицина мекемелерінде кешенді жоспар аясында лифт жабдықтары мен шатырлар ауыстырылып, медицина жабдықтары сатып алынды.
– Жыл соңына дейін «Астана қаласының денсаулық сақтау жүйесін дамытудың 2023-2025 жылдарға арналған кешенді жоспары» шеңберінде бас қаламызда №1, 4, 14 емханаларда, «Қалалық психикалық денсаулық орталығы», Ы.Дүкенұлы көшесі, 12 және Сарыарқа даңғылында орналасқан қалалық жедел медициналық жәрдем станцияларында, сондай-ақ, №13 қалалық емхананың жылу трассасын қайта орнату бойынша күрделі жөндеу жұмысы аяқталады, – деп мәлім етті Астана қаласы мәслихатының төрағасы Ерлан Каналимов.
