Елорда тынысы
Көшелер қардан тазартылды
![](https://astana-akshamy.kz/wp-content/uploads/2024/01/3c9ac67880287009f8717d0a5aae9810_1280x720-780x470.jpeg)
Елордада қар тазалау қарқынды. Қаланың коммуналдық қызметтері тәулік бойы күшейтілген режимде жұмыс істейді. Кеше қар күреу жұмысына 2300-ден астам жол жұмысшы жұмылдырылды.
Қаланы қар мен мұздан тазарту бойынша күндізгі ауысымға 2363 жол жұмысшы және 1300-ден астам арнайы техника шықты. 25 қаңтардан 26-сына қараған түні коммуналдық қызметтер қаладан 26 мың текше метрден астам қар шығарды, бұл 2080 ауыр жүк көлеміне тең. Қыс мезгілінің басынан бастап қар полигонына барлығы 3 млн текше метрге жуық қар, яғни 213205 рейс шығарылды.
Айта кетейік, Астанада бірнеше қар полигоны жұмыс істейді. Олардың барлығы самосвал техникасының нөмірлік белгілерін оқу жүйесімен, бейнебақылаумен және жарықпен жабдықталған.