«ТКШ ҚазОрталығы», «Decarbonize and Cost Engineering» қауымдастығы және «Астана-Экспо» маңызды индустриялық іс-шараны өткізу үшін күш біріктіреді, деп хабарлайды astana-akshamy.kz
«ТКШ жаңғырту мен дамытудың қазақстандық орталығы» АҚ-да (ТКШ ҚазОрталығы) «InfraTechKazakhstan-Decarbonisation» инженерлік-инфрақұрылымдық және тұрғын үй кешенін дамыту жөніндегі Бірінші Қазақстандық халықаралық көрме-форумды бірлесіп өткізу туралы үшжақты келісімге қол қойылды. «Decarbonize and Cost Engineering» қауымдастығы, ТКШ ҚазОрталығы және «Астана-Экспо КС» көрме компаниясы» ЖШС 2024 жылғы 16-18 қазан аралығында Астана қаласының Халықаралық көрме орталығында өтетін маңызды көрме-форум құру үшін өз күштерін біріктірді.
Бұл келісімнің мақсаты инфрақұрылымдық-тұрғын үй кешенін жаңғырту мен дамытуды көміртексіздендіруге арналған көрмені ұйымдастыру және өткізу кезінде тараптар арасындағы ұзақ мерзімді, тиімді және өзара тиімді ынтымақтастықты дамыту болып табылады.
Келісімге сәйкес, көрмеге қатысуға жылумен жабдықтау, газдандыру, электрмен жабдықтау және энергия үнемдеу, сумен жабдықтау және су бұру жүйелерін, аумақтарды абаттандыру, қалдықтарды басқару және ҚТҚ өңдеу үшін технологиялар мен материалдарды өндіретін қазақстандық және халықаралық жетекші өндірушілер мен жеткізушілер, сондай-ақ қаржы институттары шақырылады.
«InfraTechKazakhstan-Decarbonisation» көрмесі халықаралық және отандық компаниялардың өндірілген заттары мен өнімдерін танытудың тиімді құралы болмақ. Ол реттеушілермен, серіктестермен, әлеуетті тапсырыс берушілермен және инвесторлармен жеке байланыс орнатуға мүмкіндік береді.
