Elordanyŋ belsendı tūrǧyndary aulalardy qardan tazalaudy bastady.
– Is-şaraǧa Astananyŋ jastary, änşıler, sportşylar qoldau körsetıp, belsendılık tanytty. Olar ardagerler üiıne baryp, esık aldynyŋ qaryn kürep, syrtqa şyǧardy, – dedı Astana qalasy Jastar saiasaty mäselelerı basqarmasynyŋ basşysy Qairat Qambarov.
Astanada demalys künderı jauǧan qardyŋ mölşerı ailyq normadan asyp tüstı. «Qazgidromet» RMK derekterı boiynşa ai saiynǧy norma 22 sm bolǧan jaǧdaida, Astanada tek soŋǧy üş künde 37,6 sm qar jaudy.
– Bügın chellendj bastap, qarttarymyzǧa kömek qolyn sozudy jön kördık. Sol sebeptı, dostar, osy bastamamyzǧa mındettı türde qoldau körsetseŋızder deimın. Sözben emes, ıspen kömek körseteiık, – dedı «Street Workout Kazakhstan» qozǧalysynyŋ negızın qalauşy Aitym Jaqypov.
Qala tūrǧyndaryn qar tazalau jūmysyna atsalysuǧa sportşylar da şaqyrdy.
Astanada kommunaldyq qyzmetter tolyqtai küşeitılgen jūmys rejimıne auysty. Qar küreu jūmysyna kün saiyn 2,2 myŋnan astam jol jūmysşy, myŋnan astam arnaiy tehnika jūmyldyryldy.
