Elordanyŋ Triatlon parkınde 29 säuırde «Run for autism» atty qaiyrymdylyq marafony ötedı. Jügıru jarysyna qatysuşylar ıs-şara aiasynda keşe qaladaǧy №89 «Qyz Jıbek» balabaqşasyndaǧy inkliuziiany qoldau kabinetterınıŋ jūmysymen tanysty.
«Run for autism» qaiyrymdylyq marafonyn «Bolaşaq» korporativtık qory ūiymdastyryp otyr. Qor elımızdıŋ 22 qalasyndaǧy mektepter men balabaqşalarda 46 inkliuziia kabinetın aşty. Nätijesınde autizm jäne damuynda basqa da erekşelıkter bar 700-den astam bala mektepke baruǧa mümkındık aldy.
– Bızdı serıktesterımız ben dostarymyz qoldaǧanyna öte quanyştymyz. Bügın bız olardy «Är bala mektepke baruǧa laiyqty» jobasynyŋ jūmysyn körsetuge jäne qaiyrymdylyqtyŋ negızınde jinalǧan qarajattyŋ qaida jūmsalatynyn körsetu üşın şaqyrdyq. Bügınde jarysqa jüzden asa adam tırkeldı. Qatysuşylar sany älı de artady dep ümıttenemız, – dedı «Bolaşaq» qory qamqorşylyq keŋesınıŋ töraiymy Dinara Gaplan.
Resmi derekterge qaraǧanda, elımızde autizm diagnozy qoiylǧan 9 myŋǧa juyq bala tūrady. Al 2022 jylǧy 1 qaŋtardaǧy mälımet boiynşa elordada 2256 bala bar. 2015 jyldan berı «Bolaşaq» qorynyŋ «Är bala mektepke baruǧa laiyqty» jobasy aiasynda Astana qalasynan 130-dan astam bala bılım aldy.
Ūiymdastyruşylardyŋ aituynşa, qaiyrymdylyq jügırısınen jinalǧan qarajat «Är bala mektepke baruǧa laiyqty» jobasy aiasynda autizm jäne basqa da mentaldyq būzuşylyqtary bar balalardy qoldauǧa jūmsalady.
Aita keteiık, jügıru jarysyna käsıbi sportşylar, jügıruşıler, äuesqoi sportşylar, erekşe balalar, ata-analar qatysady. Jarys 1, 2,5, 5 jäne 10 şaqyrym qaşyqtyq boiynşa ötedı.
