Elordadaǧy Jaqsylyq Üşkempırov atyndaǧy sport saraiynda paradziudodan Aziia chempionaty öttı. Qūrlyq bırınşılıgıne 11 eldıŋ 100-ge juyq myqtysy qatysyp, komandalyq jäne jekelei synda öner körsettı.
Saltanatty şaraǧa Mädeniet jäne sport ministrı Ashat Oralov, IBSA Dziudo töraǧasy (Düniejüzılık Para Dziudo Ūiymy) Iаnoş Tardos jäne Astana qalasy äkımınıŋ orynbasary Eset Baiken qatysyp, parasportşylarǧa sättılık tıledı.
Qazaqstan erler jäne äielder qūramasy Aziia chempionatynyŋ komandalyq jarysynda top jardy. Ainalmaly jüie boiynşa ötken bäsekede el qūramasy qarsylas şaq keltırmedı.
Alfiia Tılekqabyl (J1 -57 kg), Daiana Fedosova (J2-70 kg), Zäure Aitek (J1 +70 kg), Aqmaral Nauatbek (J2 -70 kg) jäne Dinara Kujulova (J2+70 kg) qūralǧan äielder qūramasy finalda Özbekstan komandasynan basym tüstı. Ündıstan dziudoşylary üzdık üştıkpen jarysty qorytyndylady.
Aziia chempionatyndaǧy ortalyq beldesu Oljas Orazaly men Tokio Paralimpiadasynyŋ chempiony Feruz Saidov arasynda öttı. Ekı baluannyŋ beldesu qosymşa uaqytqa ūlasty. Jergılıktı janküierlerdıŋ qoldauynan jıgerlengen Oljas ūtymdy ädıs qoldanyp, jeŋıske jettı. Söitıp, Qazaqstan qūramasy jeŋıske jettı. Osy kezdesude elordalyq Erǧali Şamei, Janbota Amanjol, Erlan Ötepov te öz kezegınde qarsylasynan basym tüstı.
Komandalyq synda Qazaqstan erler qūramasynda Erǧali Şamei (J1-73 kg), Janbota Amanjol (J2-90 kg), Erlan Ötepov (J1+90 kg), Oljas Orazalyūly (J2-73 kg), Abylai Ädılbekov (J1-90 kg), Erlan Konkiev (J2 +90 kg) el namysyn qorǧady. Erler arasynda Özbekstan qūramasy ekınşı orynnan körınse, Moŋǧoliia men Ündıstan sportşylary üzdık üştıkpen tüiındedı.
Esterıŋızge sala ketsek, Qazaqstan qūramasy Aziia chempionatynyŋ jekelei jarysynda tört altyn, tört kümıs jäne alty qola jülde jeŋıp alǧan bolatyn.
