Elordada 17 qyrküiek pen 15 qazan aralyǧynda jyl saiynǧy qysqy kezeŋge daiyndyq jäne jasyl jelekterdı otyrǧyzu boiynşa «Bırge taza Qazaqstan» jalpyqalalyq küzgı ekologiialyq ailyǧy ötude. Sonymen qatar «Düniejüzılık tazalyq künı – World Cleanup Day 2022» ekologiialyq aksiiasy aiasynda ötken senbıde elordada jalpyqalalyq senbılık ötıp, oǧan qatysqan memlekettık mekemeler qyzmetkerlerı men qala tūrǧyndary tal otyrǧyzu, tazalau jūmystaryn jürgızdı.
Aksiianyŋ maqsaty – qoǧam nazaryn tabiǧatty saqtaudyŋ maŋyzdylyǧyna audaru jäne ekologiialyq mädeniettı qalyptastyru. Ailyq şeŋberınde ötetın senbılıkterde kommunaldyq qyzmetter jäne merdıgerlık ūiymdar qoǧamdyq aumaqtardy kögaldandyru jäne abattandyru, saiabaqtar, skverler, alleialardy jöndeu jäne qalpyna keltıru, kvartalışılık abattandyru, balalardyŋ oiyn jäne sport alaŋdaryn jabdyqtau, töselgen tastardy, jiektastardy, şaǧyn säulet nysandaryn qalpyna keltıru, köpırler men jol ötpelerınıŋ qūrylymdaryn, qorşaularyn juu, aialdamalardaǧy pavilondardy jöndeu jäne tazalau, konteiner alaŋdary men qoqys konteinerlerın sanitarlyq tazalau jūmystaryn jürgızedı. Sonymen qatar, ekologiialyq ailyq aiasynda 10 myŋnan asa jasyl jelek otyrǧyzu josparlanǧan.
Senbıde bastalǧan küzgı senbılık ailyǧynda Kışı Taldyköl ainalasyna 500 tüp aǧaş otyrǧyzyldy. Mūndaǧy jūmystardy Astana qalalyq qorşaǧan ortany qorǧau jäne tabiǧatty paidalanu basqarmasy ūiymdastyrdy. Qoǧamdyq jūmysqa äleumettık sala qyzmetkerlerı, studentter men erıktıler jäne oquşylar da qatysty.
– Bügın mıne, bükıl älemde Halyqaralyq tazalyq künı ötıp jatyr. Soǧan qosa 15 qyrküiekten bastap qalamyzda Ekologiialyq ailyq bastaldy. Sonyŋ aiasynda är senbı saiyn qalanyŋ barlyq jerınde senbılıkter ötedı. Al bızdıŋ basqarma bügın osy kışı Taldyköl su qoimasynyŋ ainalasyna 500-den astam tal otyrǧyzady. Josparymyzda 2000 talǧa deiın otyrǧyzu bar, – dedı atalǧan basqarma basşysynyŋ orynbasary Janar Beskempırova.
Senbılık aiasynda «Memlekettık küzet qyzmetı» ardagerler odaǧy» öŋırlık QB äskeri patriottyq «Jas qalqan» klubynyŋ jastary da aǧaş otyrǧyzuǧa atsalysty. Klub jetekşısı Baqbergen Kereidıŋ aituynşa, mūndai şaralardyŋ balalarǧa patriottyq tärbie berude maŋyzy zor. Qoqys sūryptaumen ainalysatyn «Clean City NC» JŞS qoǧammen bailanys qyzmetı bölımınıŋ basşysy Baqytjamal Äubäkırova balalar arasynda ekologiialyq oiyn ötkızıp, sol arqyly qoqystardy qalai sūryptaudy üirettı. Sonymen qatar olar belsendı jastardy Alǧys hattar jäne ekosömkemen marapattady.
Būl künı Qarjy ministrlıgınıŋ qyzmetkerlerı Saryarqa audanyndaǧy Ä.Kenjin köşesınen Tılendiev daŋǧylymen ainalma joldaǧy köpırge deiıngı aumaqty tazalady.
– Jyl saiyn älem boiynşa tazalyq künı atap ötıledı. Bızdıŋ ministrlık jalpyqalalyq senbılıktı nazardan tys qaldyra almady. Bügın osy jerde bızdıŋ bölımşenıŋ barlyq qyzmetkerlerı bar. Qorşaǧan orta būl – bızdıŋ ülken üiımız jäne ol ärqaşan taza boluy kerek. Är senbı saiyn bızge bekıtılgen aumaqty tazalap şyǧudy josparlap otyrmyz. Adamdar demalǧandy ūnatady, sodan keiın qoqysty tazartudy ūmytyp ketedı. Mūndai ıs-şaralar qorşaǧan ortany qūrmetteu, oǧan ūqypty qarau qajettıgın aiqyn körsetedı, – deidı memlekettık audit komitetınıŋ basqarma basşysy Baltabek Halyq.
Demalys künıne qaramastan, senbılıkke 20 myŋnan astam Almaty audanynyŋ tūrǧyndary qatysty. Memlekettık qyzmetkerler, şaǧyn jäne orta biznes ökılderı, äleumettık nysandar qyzmetkerlerı özderıne bekıtılgen jerdı taza ūstau üşın barlyq qajettı zattarmen qamtyldy. Belsendıler qoqysty jinap, adamdar köp jinalatyn jerlerdı tazalady. Jinalǧan qaldyqtardy şyǧaru üşın jük maşinalary tartyldy.
– Bügın küzgı senbılık ailyǧy bastaldy. Bız olarǧa mektep oquşylary men studentterdıŋ qatysqanyn qalaimyz. Bügıngı taŋda ekologiialyq mäsele bırınşı orynda, sondyqtan tazalyqty saqtau jäne tabiǧatty qorǧau maŋyzdy. Qalanyŋ körkeiuıne är adam üles qosa alady, – dedı Euraziia ūlttyq universitetınıŋ qyzmetkerı Äbdıqahar Slamqūl.
L.Gumilev atyndaǧy Euraziia ūlttyq universitetınıŋ oqytuşylary men 90-nan asa studentter Esıl özenınıŋ bır arnasy Aqbūlaqtyŋ jaǧalauyn jäne sol maŋdaǧy parkter men demalys aumaqtaryn tazalady. Baiqoŋyr audany äkımı apparatynyŋ ökılı Arsen Abdrahmanovtyŋ sözınşe, student jastardan bölek, şaǧyn jäne orta biznes ökılderı, äleumettık sala qyzmetkerlerı, öndırıs oryndarynyŋ mamandary senbılıkke qatysty. Är sanaly azamat özı tūratyn qalanyŋ, eldı mekennıŋ taza, körıktı boluy üşın üles qosuy kerek. «Auylyna qarap, azamatyn tany» dep osydan aitylǧan emes pe?! Menıŋşe, bızdıŋ audannyŋ tūrǧyndary tazalyq jūmysyna belsendı qatysuda, – deidı memlekettık qyzmetker.
