«Astana Operanyŋ» HI teatr mausymynyŋ aşyluyna sanauly künder qaldy. Osyǧan orai, teatr direktory, Qazaqstannyŋ eŋbek sıŋırgen qairatkerı Ǧalym AHMEDIаROVPEN kezdesıp, teatr tynysynan habardar bolǧan edık.
– Ǧalym Alǧiūly, Astanaǧa el öŋırlerınen köp adam keledı, olardyŋ keibırı teatrǧa dress-kod saqtap qana kıruge bolady jäne biletterdıŋ baǧasy asa qymbat degen oida. Osy ras pa?
– Teatrdyŋ baǧa saiasaty barynşa oŋtaily desek bolady, spektakl biletı qymbat emes, äsırese qazırgı demalystan keiıngı kezeŋde. Mysaly, qyrküiek aiynda K.Baiseiıtova atyndaǧy kamera zalyndaǧy konsertterge biletter şamamen 3 myŋ teŋge tūrady, sondai-aq teatrymyzdyŋ ülken zalynda ötetın spektaklderdıŋ baǧasy da äbden qoljetımdı. Dress-kodqa keler bolsaq, būl da qate pıkır, bız tılek bıldıruşılerdıŋ bärın quana qarsy alamyz, ärine, eger adamdar ädemı kiınıp kelse qūptaimyz, osy arqyly olar, eŋ aldymen, özıne mereke jasaidy ǧoi.
– Qazır qandai spektaklderge basa män berıledı?
– Alǧaşqy jyldary bız repertuarymyzdy klassikalyq qoiylymdarmen tolyqtyruǧa belsene küş saldyq, öitkenı «Astana Opera» – būl klassikalyq teatr. Älbette, ūlttyq repertuardy da nazardan tys qaldyrmadyq. Qazır, kerısınşe, repertuardy ūlttyq spektakldermen baiytuǧa jūmys jasaudamyz. Aldaǧy mausymdarda būl ıs eselene tüspek. Alaida mynany tüsınu kerek: bız qoiylymdardy «qalypqa» salmai, qazaq muzyka mädenietınıŋ altyn qoryna engen ūlttyq tuyndylarǧa öte mūqiiat qaraimyz jäne olardy älemdık deŋgeide basqa teatrlardyŋ jūmysyn qaitalamaityn bıregei közqaras tūrǧysynan qoiamyz.
– HI teatr mausymy nemen aşylmaq?
– Ūjym Ahmet Jūbanov pen Latif Hamididıŋ äigılı «Abai» operasyn ūsynbaq. Būl opera bükıl älemge tüsınıktı ärı sūranysqa ie bolatyndai etıp qoiylǧan. Teatr osy qoiylym üşın eŋ joǧary marapat – Qazaqstannyŋ Memlekettık syilyǧyn alǧan.
