Astana – önerkäsıp aimaǧy
![](https://astana-akshamy.kz/wp-content/uploads/2023/04/d44f4802-c9fa-4a63-8ec2-839cebaf1f3c-780x470.jpg)
Bas qalanyŋ arnaiy ekonomikalyq aimaǧynda qūrylys klasterınıŋ 200-ge juyq jobasy, jūmys ıstep tūrǧan 50 öndırıs käsıpornynyŋ klasterı tabysty jūmys ısteude. Taǧy 45 joba daiyndyq satysynda tūr. Soŋǧy 6 jylda №1 industriialyq parkte ornalasqan önerkäsıp käsıporyndarynan tüsetın salyq tüsımderı 5 esege ūlǧaiyp, 170 milliard teŋgeden asty.
Astana qalasy mäslihatynyŋ deputattary arnaiy ekonomikalyq aimaqtyŋ bırqatar käsıpornyn aralady. Būl aimaqta önerkäsıp käsıporyndarynyŋ negızgı ülesı şoǧyrlanǧan. Mūnda 6 myŋǧa juyq adam jūmys ısteidı. Ekonomikalyq aimaqtyŋ aumaǧynda 75,5 milliard teŋge somasyna baǧalanatyn 45 joba ıske asyru satysynda tūr. Olardyŋ jūmysynyŋ bastaluymen 2,5 myŋǧa juyq adam tūraqty jūmysqa ornalasady. «Astana – jaŋa qala» jäne «Astana-Tehnopolis» ekı arnaiy ekonomikalyq aimaǧynyŋ jalpy audany 16 myŋ gektardan asady.
– AEA-ny odan ärı damytu perspektivalary mäselesın, olardyŋ ekonomikalyq äserın osy jūmada biudjet, ekonomika, önerkäsıp jäne käsıpkerlık mäselelerı jönındegı tūraqty komissiianyŋ otyrysynda jeke tyŋdaimyz. Sondai-aq №2 industriialyq parktıŋ damuy mäselesın jeke talqylaimyz, – dedı astanalyq mäslihat töraǧasy Erlan Kanalimov.
Bügıngı taŋda arnaiy ekonomikalyq aimaqtaǧy käsıporyndar elorda qazynasyna qomaqty tüsım tüsıruşı bolyp otyr.