Astanada rejisser Säbit Qūrmanbekovtıŋ «Boran» dramalyq körkem filmınıŋ tūsaukeserı öttı.
Ömırde bolǧan oqiǧa negızınde jazylǧan būl körkem filmde ötken ǧasyrdyŋ 80-jyldary suretteledı. Keŋes zamanynda jas jıgıt şūǧyl körşı auylǧa attanady. Borandy künı adasyp ketken jas jıgıt Qytai şekarasynan ötıp ketkenın baiqamai qalady. Sol sätten bastap taǧdyr tälkegıne ūşyrap, qiyn sätterdı bastan keşedı. Abaisyzda jasaǧan «qylmysy» üşın sol zamanda keŋes türmesınde kemınde 5 jyl otyruy mümkın bolsa, Qytaida tıptı atu jazasy kütıp tūr edı. Oǧan Qytaidaǧy qazaq otbasy kömek qolyn sozady.
Ssenarii avtory jäne prodiuserı Erbol Boranşynyŋ aituynşa, filmnıŋ maqsaty – qaida jürse de, qazaqtyŋ qany bır ekenın jäne ızgılıkte şekara bolmaitynyn körsetu.
«Būl jobany Säbit Qūrmanbekov aǧamyzben bırge 2015 jyldan bastap qolǧa aldyq. Bız osy şyǧarma arqyly qazaqtyŋ qaida jürse de, jüregı elım, jerım, ūltym dep soǧatynyn aŋǧartuǧa tyrystyq. Sondai-aq adamgerşılıktı, bauyrmaldyqty eşqandai şekara böle almaityndyǧyn aitqymyz keldı» deidı Erbol Boranşy.
Mädeniet jäne sport ministrlıgınıŋ tapsyrysy boiynşa «Boran» studiiasynda tüsırılgen būl film Qazaqstannyŋ barlyq kinoteatrynda qoiylyp jatyr.
