Deputattar tūrǧyndardy qabyldaidy
![](https://astana-akshamy.kz/wp-content/uploads/2023/04/342693280_886280265803998_278073023917703463_n-780x470.jpg)
Astana qalasy mäslihatynyŋ VIII şaqyrylym deputattary, öz partiialary men jūmys oryndarynyŋ qoǧamdyq qabyldaularynan bölek, azamattardy Beibıtşılık, 9 (1-qabat) mekenjaiy boiynşa būrynǧy ortalyq ämbebap dükenı ǧimaratynda qabyldaidy. Būl turaly mäslihat töraǧasy Erlan Kanalimov özınıŋ äleumettık jelıdegı paraqşasynda jazdy.
«Är deputattyŋ jeke kestesımen elordalyq mäslihattyŋ www.maslihat01.kz saityndaǧy «Astana qalasy mäslihatynyŋ VIII şaqyrylym deputattarynyŋ azamattardy qabyldau kestesı» aidarynda tanysa alasyzdar. Elordalyq mäslihat töraǧasy azamattardy apta saiyn är beisenbı künı qabyldaidy. Azamattardy qabyldauǧa jazyludy qalalyq mäslihat apparaty keŋsesınıŋ qyzmetkerı 55-54-83, 55-66-31 telefondary arqyly jüzege asyrady. Qyzmetker ötınış beruşınıŋ derekterın jäne mäselenıŋ qysqaşa mazmūnyn öŋdep, sodan keiın keluşılerdı esepke alu kartochkasy arqyly tırkeidı» dep tüsındırdı E.Kanalimov.