Memleket basşysy Qasym-Jomart Toqaevtyŋ Vetnam Sosialistık Respublikasyna resmi sapary Ba Din alaŋynda ornalasqan ūlt qaharmandary monumentıne jäne Ho Şi Minnıŋ mavzoleiıne gül şoǧyn qoiudan bastaldy.
1945 jyly 2 qyrküiekte Ho Şi Min osy alaŋda Vetnamnyŋ täuelsızdıgın jariialady. Prezident Vetnamnyŋ bostandyǧy üşın küreste qaza tapqan batyrlardyŋ jäne osy eldıŋ ūlt köşbasşysy Ho Şi Minnıŋ ruhyna taǧzym ettı. Gül şoǧyn qoiu räsımıne Qazaqstannyŋ resmi delegasiiasy qatysty.
Memleket basşysy Vetnam Prezidentı Vo Van Thyongpen kelıssöz jürgızdı. Kelıssözder aldynda Prezident saraiynda resmi qarsy alu räsımı öttı. Ekı el basşylaryna Qūrmet qarauyly rotasynyŋ bastyǧy raport bergen soŋ, Qazaqstan men Vetnamnyŋ memlekettık änūrandary oryndaldy. Qasym-Jomart Toqaev pen Vo Van Thyong bır-bırıne resmi delegasiia müşelerın tanystyrdy.
Kelıssöz barysynda sauda-ekonomikalyq, investisiialyq, energetikalyq, kölık-logistikalyq, agroönerkäsıptık jäne mädeni-gumanitarlyq salalardaǧy yntymaqtastyqty damytu perspektivalary talqylandy. Memleket basşysy qonaqjailyq körsetkenı üşın Vo Van Thyongqa alǧys aityp, osy saparǧa basa män beretının atap öttı.
«Qazaqstan Prezidentı retınde Sızdıŋ elıŋızge alǧaş ret saparmen kelıp otyrmyn. Men būl saparyma basa män beremın. Qazaqstanda Sızdıŋ elge jäne Vetnam halqyna zor qūrmetpen qaraitynyn atap ötkım keledı. Vetnamnyŋ ekonomikalyq jetıstıkterı elderımızdıŋ yntymaqtastyǧyn odan ärı nyǧaituǧa berık negız bolady. Bız ekı memleket arasyndaǧy ekonomikalyq, saiasi qatynastarǧa basa män beremız jäne Vetnamnyŋ ekonomikalyq zor äleuetın jäne onyŋ halyqaralyq arenadaǧy bedelın joǧary baǧalaimyz» dedı Qasym-Jomart Toqaev.
Prezident ötken jyldyŋ qorytyndysy boiynşa özara sauda-sattyq jarty milliard dollardan asqanyna, biylǧy alty aidyŋ özınde 600 million dollar bolǧanyna nazar audardy. Jyl soŋyna deiın būl maŋyzdy körsetkıştı 1 milliard dollarǧa deiın jetkızu josparlanyp otyr. Memleket basşysy bügıngı kelıssözder ekıjaqty qatynastardy damytudyŋ jaŋa kezeŋıne jol aşatynyna senım bıldırdı.
Öz kezegınde Vo Van Thyong ekı el arasyndaǧy yntymaqtastyqty jandandyru ısın joǧary baǧalap, Qazaqstan men Vetnamnyŋ serıktestıgın odan ärı nyǧaituǧa niettı ekenın jetkızdı.
«Sızdıŋ elımızge jasaǧan alǧaşqy resmi saparyŋyz ekı memlekettıŋ dästürlı dostyq qarym-qatynasy men köpjaqty yntymaqtastyǧyn jandandyruǧa tyŋ serpın beretınıne senımdımın. Men Qazaqstanda saparmen boldym. Öte tamaşa, ǧajap el, halqynyŋ qonaqjailyǧyna täntı boldym. Vetnam Qazaqstannyŋ damuyn jäne Sızdıŋ basşylyǧyŋyzben Qazaqstan halqynyŋ jetken zor tabysyn jıtı baqylap otyr. Sızdıŋ täjıribeŋız ben strategiialyq köregendıgıŋızdıŋ arqasynda Qazaqstan odan ärı damyp, älemdegı jäne aimaqtaǧy tūraqtylyqty saqtauǧa eleulı üles qosatynyna senımdımın. Vetnam ūlt-azattyq küresı men memlekettıŋ bırıguıne jäne qazırgı damuyna qazaq halqynyŋ körsetken järdemın eşqaşan ūmytpaidy ärı alǧys aitady. Bız Qazaqstanmen aradaǧy dästürlı dostyq qatynasqa zor män beremız jäne elıŋızdı Ortalyq Aziiadaǧy maŋyzdy serıktes sanaimyz» dedı Vetnam Prezidentı.
Prezident Qasym-Jomart Toqaev ärıptesı Vo Van Thyongty Qazaqstanǧa memlekettık saparmen keluge şaqyrdy. Kelıssözder qorytyndysy boiynşa prezidentter Bırlesken kommiunike qabyldady. Sonymen qatar sapar aiasynda bırqatar qūjattarǧa qol qoiyldy. Olardyŋ arasynda Qazaqstan Respublikasynyŋ Ükımetı men Vetnam Sosialistık Respublikasynyŋ Ükımetı arasyndaǧy sauda-ekonomikalyq yntymaqtastyqty jedel damytu jönındegı 2023-2025 jyldarǧa arnalǧan bırlesken ıs-qimyldar jospary; Qazaqstan Respublikasynyŋ Ükımetı men Vetnam Sosialistık Respublikasynyŋ Ükımetı arasyndaǧy ūlttyq pasporttardyŋ ielerın vizalyq talaptardan bosatu turaly kelısım; Qazaqstan Respublikasynyŋ Mädeniet jäne sport ministrlıgı men Vetnam Sosialistık Respublikasynyŋ Mädeniet, sport jäne turizm ministrlıgı arasyndaǧy turizm salasyndaǧy yntymaqtastyq turaly memorandum; «Sauda saiasatyn damytu ortalyǧy» AQ (QazTrade) men Vetnamnyŋ saudany damytuǧa järdemdesu agenttıgı (VietTrade) arasyndaǧy saudaǧa järdemdesu salasyndaǧy yntymaqtastyq turaly memorandum; «Qazpoşta» AQ men Viet Post korporasiia arasyndaǧy elektrondyq kommersiiany damytu salasyndaǧy özara tüsınıstık turaly memorandum jäne taǧy basqalary bar.
