Astana qalasynyŋ körnektı oryndarynyŋ bırı – Kenesary hanǧa arnalǧan eskertkıştıŋ janynda ornalasqan Arbat jaiau jürgınşıler joly. Esıldıŋ jaǧalauy men ekı ortada keşkı salqynmen jüretın adamdardyŋ qarasy köp.
Mūnda, äsırese, keşkısın köptegen qala tūrǧyny, jastar jaiau jüredı. Muzykalyq aspaptarmen än aityp, bi bilegenderdı, qolöner būiymdaryn ūsynǧandardy da jiı kezdestıruge bolady.
Qolönerşılerdıŋ terıden, kiızden, saz balşyqtan jäne aǧaştan jasaǧan bıregei būiymdaryn körıp, tamaşalau erekşe äser beredı. Al köşe muzykanttarynyŋ önerın körudıŋ özı jaiau jürgınşıge airyqşa äser syilaityny da ras. Būl maŋ bilep, jadyrap muzyka tyŋdaǧan astanalyqtar men qala qonaqtary jiı baratyn süiıktı mekenge ainaldy.
Tamyz aiynyŋ jeksenbı keşınde Arbatta astanalyqtar men elorda qonaqtary ortaǧa şyǧyp, tanymal kavkaz biın nemese valske bilegısı keletınderdıŋ barlyǧyna şyn jürekten qol soqty.
Lezginka bärıne tanys. Ol konsertterde, merekelerde, otbasy merekelerınde oryndalady. Demalys künderı kün batqan soŋ, elordalyq Arbatta äuezdı äuender estılgen sätten bastap ötıp bara jatqan jaiau jürgınşıler özderı de köŋıldenıp, bi bilep, qol şapalaqtap, ortaǧa qosylady.
Elordadaǧy lezginka mektebınıŋ negızın qalauşy Salim Ailazovtyŋ aituynşa, būl – Astanadaǧy jastar arasynda soŋǧy uaqytta keŋınen damyp kele jatqan bi mädenietı. Jastardy ǧana emes, ol ülkenderdıŋ de jüregın jaulap aluda. Būǧan dälel – qala tūrǧyndarynyŋ osy keşte ötken konkurstar men jarystarǧa belsendı qatysuy.
Senbı-jeksenbı künderı mūndaǧy keşter halyq seruenıne ūlasyp, ruhani demalys oşaǧynyŋ körkın aşady.
