Keşe Astana qalalyq kommunikasiialar qyzmetınde elorda mäslihatynyŋ töraǧasy Erlan Kanalimovtyŋ qatysuymen brifing öttı. Ol Astanany jaily jäne qauıpsız qalaǧa ainaldyru üşın qolaily orta qalyptastyru, sondai-aq äleumettık mäselelerdı şeşu baǧytynda jürgızılıp jatqan jūmystar turaly aityp, jūrtşylyqty tolǧandyrǧan saualdarǧa jauap berdı.
«Biyl ötken Mäjılıs pen barlyq deŋgeidegı mäslihattarǧa sailau Memleket basşysy aitqan saiasi jäne konstitusiialyq reformalardyŋ qisyndy qorytyndysy boldy. Osy özgerısterdıŋ barlyǧy mäslihattardyŋ özderın qalyptastyru prosesın jaŋartty deuge tolyq negız bar. Eger būryn ümıtkerler tek partiialyq tızımder boiynşa taŋdalsa, endı bır mandatty okrugter boiynşa sailanady. Qazır elordanyŋ mäslihatynda Amanat, «Aq jol», «Baitaq» jäne «Qazaqstan halyq partiiasynan» 34 deputat bar» dedı E.Kanalimov.
Mäslihat töraǧasynyŋ aituynşa, tūrǧyndarmen kezdesulerde, negızınen, kommunaldyq-tūrmystyq mäseleler aitylady: qoǧamdyq kölık jūmysy, abattandyru, kögaldandyru, qoqys şyǧaru.
«Mäslihat deputattary äleumettık jaǧynan az qamtylǧan otbasylarǧa tūrǧyn üilerdı gazdandyruǧa materialdyq kömek mölşerın 130 AEK-ke bekıttı. Köptegen otbasynyŋ būl kömekke qoly jettı. Sonymen qatar, qajettı qūjattar tızımı qysqardy» dep tüsındırdı mäslihat töraǧasy.
Ol astanalyq polisiia bılıktı kadrlardyŋ, atap aitqanda, uchaskelık, mektep jäne kämeletke tolmaǧandar jönındegı inspektorlardyŋ tapşylyǧyn sezınıp otyrǧanyn aitty.
«Punktter men stasionarlyq moduldık beketterdı aşu qajet. Tötenşe jaǧdailar departamentınıŋ materialdyq-tehnikalyq bazasyn jäne jeke qūramyn äleumettık qoldau boiynşa jūmystar jürgızılude. Ört söndıru bölımderınıŋ ǧimarattarynda jöndeu jūmystary jürgızılıp, ört söndıru depolary salynuda, qajettı jabdyqtar satyp alynuda, äleumettık mäseleler şeşılude: qūtqaruşylardyŋ balalary lagerlerge jıberılıp, otbasylarǧa päter satyp aluǧa sertifikattar bölınude» dedı ol.
Mäslihat töraǧasy mektepter men studenttık jataqhanalardyŋ qūrylysyna jeke toqtaldy.
«Amanat partiiasy elordalyq filialynyŋ sailaualdy baǧdarlamasyn oryndau boiynşa jol kartasy aiasynda Astanada 2027 jylǧa deiın 53 mektep salu josparlanǧan. Olardyŋ 11-ı biyl salynady. Äleumettık nysandardyŋ qajettılıkterın eskere otyryp, qalanyŋ barlyq audanynda ornalasatyn bolady. «Jaily mektep» qanatqaqty jobasy aiasynda 2025 jylǧa deiın 89 myŋ oryndyq 24 mekteptı paidalanuǧa beru josparlanuda» dedı E.Kanalimov.
Onyŋ aituynşa, biyl elordanyŋ barlyq memlekettık mektepterınıŋ bastauyş synyp oquşylary tegın ystyq tamaqpen qamtamasyz etıledı. Halyqtyŋ äleumettık osal toptary sanatyndaǧy 5-11-synyp oquşylary mektep ashanalarynda jeŋıldık negızınde tamaqtanudy jalǧastyruda.
«Ötken jyly menedjment, biznes jäne bılım kolledjı studentterıne arnalǧan jataqhana aşyldy. Jaqynda politehnikalyq kolledjde zamanaui şeberhanalary bar jataqhana paidalanuǧa berıledı. Deputattyq korpustyŋ küş-jıgerınıŋ basym bölıgı elordada 16 tūrǧyn üi alaptarynyŋ tūrǧyndary üşın qolaily jaǧdailardy jaqsartuǧa baǧyttalǧan. Biyl «Ürker» tūrǧyn alabynda dene şynyqtyru-sauyqtyru keşenı aşyldy. Mūnda HQKO, polisiia punktı, qarttarǧa arnalǧan klub, balalarǧa arnalǧan qysqa merzımdı bölmelerı jäne t. b. qarastyrylǧan» dep jalǧady sözın spiker.
Ülestık qūrylys mäselesı elorda äkımı men mäslihattyŋ tūraqty baqylauynda. 2019 jyly Astanada 150-ge juyq problemaly tūrǧyn üi bolǧan. Osy jyldyŋ basynda qūrylys kezeŋınde 32 üi boldy.
«Memleket basşysynyŋ tapsyrmasyna säikes, aǧymdaǧy jyly 16 nysannyŋ qūrylysy aiaqtalǧan soŋ, 6 nysanda 1500-ge juyq ülesker öz päterınıŋ kıltın alady» dedı mäslihat töraǧasy.
2600 üleskerge aǧymdaǧy jyldyŋ soŋyna deiın päter kıltı tapsyrylady.
