2005 jyly bastau alǧan «Jasyl el» baǧdarlamasy biyl da jalǧasyn tabady. Osy jyly baǧdarlama barysynda 600 student pen 3600 mektep oquşysy, jalpy 4200 adamdy jūmyspen qamtu josparlanyp otyr. Mamyr aiynda 2500 adam jūmys ıstese, 1700 adamdy mausym aiynda jūmysqa ornalastyru közdelude.
Astana qalasy Jastar saiasaty mäselelerı jönındegı basqarmanyŋ bölım basşysy Atymtai Baǧdattyŋ aituynşa, joba mamyr aiynda bastalǧandyqtan, mektepte oqityn oquşylardyŋ sabaǧyna kedergı keltırmes üşın baǧdarlama aiasynda jastar jūmysty künıne 4 saǧat ıstedı. Al saiabaqtarda taŋǧy 09:00-den 13:00-ge deiın eŋbek etedı.
– Biyl qalamyzdaǧy mektepterdıŋ, kolledjderdıŋ, universitetterdıŋ, saiabaqtardyŋ töŋıregın tazalap, gülderdı suaru sekıldı jūmystardy atqaru josparlanuda. Ötken mamyr aiynda qaladaǧy tazalyq, abattandyru jūmystaryna basa köŋıl bölınse, osy mausym aiynda saiabaqtar, qala mektepterınıŋ ışkı jäne syrtqy jūmystarynyŋ tazalyǧyna basymdyq berıledı. Eŋ basty maqsat – qala ekologiiasyn tazartyp, jastardy jūmyspen qamtu, – deidı Atymtai Baǧdat.
Biyl «Jasyl el» baǧdarlamasynyŋ 19-jūmys mausymy ötude. Joba aiasynda, negızınen, äleumettık osal toptaǧy jastar jūmys ısteidı. Baǧdarlama maqsaty – jastardy qorşaǧan ortany qorǧauǧa, tazalyqty saqtauǧa, ekologiia tärbiesın nasihattauǧa, aqşanyŋ oŋai jolmen kelmeitının tüsındıruge, äleumettık toptaǧy ata-analarǧa kömektesuge, sonymen qatar, jastardyŋ Otanǧa, jerge, tabiǧatqa degen patriottyq sezımın oiatuǧa baǧyttalǧan. Jobaǧa 14 pen 35 jas aralyǧyndaǧy jastar qatysa alady. Eşqandai sanatqa kırmeitın jastardan bölek, äleumettık osal toptar sanatyndaǧy balalar, jetım balalar, köpbalaly otbasylardan şyqqan balalar, tolyq emes otbasynan şyqqan balalardy jūmyspen qamtu közdeledı. «Jasyl eldıŋ» jastary 64564 teŋgege juyq ailyq alady.
Elgiza ERMEK,
L.Gumilev atyndaǧy Euraziia ūlttyq universitetınıŋ 1-kurs studentı
