Astana qalasy äkımınıŋ orynbasary Erlan Bekmūrzaev pen qalalyq Jūmyspen qamtu jäne äleumettık qorǧau basqarmasy basşysynyŋ orynbasary Erlan Jüsıpov elordadaǧy jihaz sehyna arnaiy baryp, jūmysymen tanysty.
Jas käsıpker Älıbek Qanybek memleket qoldauynyŋ arqasynda käsıp aşyp, 10-nan astam adamdy jūmyspen qamtyp otyr. Ol memlekettıŋ jas käsıpkerlerge biznes bastau üşın jeŋıldetılgen nesie beretının äleumettık jelıden bılgenın aitady.
«Osy jyldyŋ basynan bastap jihaz sehyn aşu turaly oilastyryp jürgenbız. Artynan osyndai jeŋıldetılgen 2,5 paiyzdyq nesie berıletının estıp, «Agrokredit» korporasiiasynyŋ keŋesıne jügındık. Sodan keiın Astana qalalyq äkımdıgı Jūmyspen qamtu jäne äleumettık qorǧau basqarmasyna qajettı qūjattardy ötkızdık. Köp ūzamai säuır aiynda 5 mln teŋge kölemınde jeŋıldetılgen nesiege qol jetkızdık. Sonyŋ arqasynda jihaz şyǧaruǧa qajettı stanoktardy satyp alyp, ekı ai būryn käsıbımızdı bastap kettık. Bız üşın būl ülken qoldau boldy» deidı jas käsıpker Ä.Qanybek.
Ol qazır 12 adamdy jūmyspen qamtyp otyr. Özınıŋ jūmysşylaryna 250-300 myŋ teŋge kölemınde jalaqy töleidı. Jas käsıpkerdıŋ qazırge deiın jasaǧan önımderımen tanysqan qala äkımınıŋ orynbasary jihazdyŋ sapasy men satyp alu baǧasy qoljetımdı boluyna nazar audardy. Ol aldaǧy uaqytta da qala äkımdıgı men memleket tarapynan jas käsıpkerler üşın qoldau bola beretının aityp öttı.
Sonymen qatar, qalalyq Jūmyspen qamtu jäne äleumettık qorǧau basqarmasynyŋ ökılı 21 men 35 jas aralyǧyndaǧy käsıpkerler üşın arnaiy qarastyrylǧan mūndai jeŋıldetılgen nesieler Memleket basşysy tapsyrmasynyŋ negızınde jüzege asyp jatqanyn atap öttı.
– Prezidenttıŋ tıkelei tapsyrmasymen qolǧa alynǧan atalǧan kömek aiasynda 2,5 paiyzdyq jeŋıldıkpen berılıp jatqan būl nesieler bes jyl merzımge ūsynylady. Bügın bız körıp otyrǧan şaǧyn sehtyŋ iesı Älıbek Qanybek te sol baǧdarlamanyŋ igılıgın körgenderdıŋ bırı. Osy künge deiın 200-den asa astanalyq jas käsıpker osyndai kömektı alyp ülgerdı. Osy jyldyŋ aiaǧyna deiın barlyǧy 500 jas käsıpkerdı qamtimyz dep otyrmyz, – deidı qalalyq Jūmyspen qamtu jäne äleumettık qorǧau basqarmasy basşysynyŋ orynbasary Erlan Jüsıpov. Onyŋ aituynşa, mūndai jeŋıldetılgen nesienı şektı jas mölşerı säikes keletın kez kelgen jas käsıpker paidalana alady. Tek negızgı ekı şarty bar. Onyŋ bırınşısı käsıp aşqanyna bes jyldan aspaǧan boluy kerek, ekınşısı nesienı räsımdeu üşın jyljymaityn mülıktı kepılge qoiu qajet bolady.
Basqarma ökılınıŋ aituynşa, käsıpker üşın atalǧan nesienı tömen paiyzben 5 jylǧa berıp qana qoimai, alǧaşqy 20 aiǧa deiın tölem merzımıne üzılıs jasauǧa da bolady. Būl – käsıpker üşın jūmysyn jolǧa qoiyp alǧanşa qarastyrylǧan kömek.
Özınıŋ şaǧyn sehynyŋ jūmysymen tanystyrǧan Älıbek Qanybek aldaǧy uaqytta käsıbın ūlǧaitudy josparlap otyrǧanyn aityp kettı.
«Bız äzırge PVH materialy men jūqa taqtai kesetın ekı stanok qana aldyq. Qazırgı uaqytta tek aǧaştan jasalatyn türlı şkaf, as üi garnitury siiaqty jihazdar şyǧaryp jatyrmyz. Aldaǧy uaqytta sehty ülkeitıp, jūmsaq jihazdar da şyǧarudy jolǧa qoisaq dep josparlap otyrmyz» deidı Ä.Qanybek.
Nūrbolat ADYRBEK
