Jastardy jūmyspen qamtu bügıngı taŋdaǧy özektı mäselenıŋ bırıne ainalyp otyr. Osy oraida Astana qalasy äkımdıgı bastamasymen bırqatar ıs-şara qolǧa alynǧan. Sonyŋ bıregeiı – jastarǧa arnalǧan bos jūmys järmeŋkelerı. Keşe elordada ötken kezektı järmeŋkede 50-den asa jūmys beruşı 450 jūmys ornyn ūsyndy.
«Astana jastary» jastar resurstyq ortalyǧy men Halyqty jūmyspen qamtu ortalyǧy bırlesıp, Esil universitetınde ūiymdastyrǧan joǧary oqu oryndarynyŋ tülekterı men jūmyssyz jürgen jastarǧa arnalǧan bos jūmys oryndarynyŋ järmeŋkesıne 1000-ǧa juyq jūmys ızdeuşı qatysty. Jastarǧa barlyǧy 450-den astam bos jūmys orny ūsynyldy.
Ūiymdastyruşylar järmeŋkenıŋ negızgı maqsaty jūmyssyz azamattardy, bılım beru ūiymdarynyŋ tülekterı men jastardy jūmys ızdeuşımen tıkelei bailanys ornatu arqyly jūmysqa ornalastyruǧa baǧyttalǧanyn atap öttı.
– Jastarǧa arnalǧan järmeŋke är toqsan saiyn ötedı. Osy uaqytqa deiın üş joǧary oqu ornynda ūiymdastyryldy. Iаǧni bır jylda 16-ǧa juyq bos jūmys oryndary järmeŋkesın ötkızu josparlanǧan. Ötken jyldyŋ qorytyndysy boiynşa jastardyŋ 60 paiyzǧa juyǧy jūmysqa ornalasty. Biyl būl körsetkış artady degen ümıttemız, – dedı «Astana jastary» jastar resurstyq ortalyǧynyŋ qyzmetkerı Oljas Hamitov.
Järmeŋkege «Samūryq-Qazyna» AQ, «Qazaqtelekom» AQ, «Qazaqstan halyq bankı» AQ jäne qalalyq Memlekettık qyzmet ısterı departamentı men basqa da jetekşı käsıporyndar qatysty. Bılım, sauda, qarjy, qūrylys salasyndaǧy mekemeler jūmys ızdep jürgen azamattarǧa aqparattyq-tüsındıru jūmysyn jürgızıp, tüiındemelerın qabyldady.
VTB (Qazaqstan) AQ-tyŋ bölım basşysy Dastan Nūrlybai menedjer jäne operatorlar qataryna qosylamyn deuşılerdı ızdeitının aitty.
«Bos jūmys oryndary järmeŋkesıne ai saiyn qatysamyz. Alaida jastardy būl joly bırınşı ret qabyldaǧaly otyrmyz. Sondyqtan jūmys ızdep jürgen studentterdı quana qabyldaimyz» dedı ol.
Jūmys ızdeuşılerdıŋ qatarynda Esil universitetınıŋ 3-kurs studentı Fariza Dılımbetova bar.
«Men qarjy mamandyǧy boiynşa bılım alamyn. Sondyqtan maǧan bankte, qarjy ortalyǧynda jūmys ıstegen qyzyqty. Bırneşe bankke özımdı ūsynyp ülgerdım.
Kelesı jūmys järmeŋkesı 28 säuırde G.Gumilev atyndaǧy Euraziia ūlttyq universitetınde ötedı.
