Astana qalasynyŋ äkımı Jeŋıs Qasymbek İnternasionalnyi, Küigenjar, Michurino eldı mekenderınıŋ tūrǧyndarymen kezdestı. Qala basşysy tūrǧyndar tarapynan köterılgen özektı mäseleler kezeŋ-kezeŋımen şeşıletının mälımdedı.
«İnternasionalnyi, Küigenjar, Michurino eldı mekenderınıŋ tūrǧyndarymen kezdestım. Eldı mekenderde negızgı mäseleler injenerlık jelıler, äleumettık nysandar, joldar salu, jaryqtandyru jürgızu ısıne jäne t. b. qatysty. Sol siiaqty tūrǧyndar sumen jabdyqtau, elektr energiiasy, avtobustardy ıske qosu boiynşa sūraq qoidy. Mäselen, jazda qosymşa №3 su sorǧyş-süzgış stansany ıske qosudy josparlap otyrmyz, būl bükıl qala boiynşa su mäselesın şeşuge mümkındık beredı. Sondai-aq qalaǧa jylumen, elektrmen jabdyqtauda qosymşa küş beretın tırşılıktı qamtamasyz etu jüielerı nysandarynyŋ bırqatarynyŋ qūrylysyn aiaqtaudy josparlap otyrmyz» dedı äkım.
Sonymen qatar, Jeŋıs Qasymbek biyl 11 mektep salynyp (14-ı salynyp jatyr), 6 myŋǧa juyq äleumettık päter tapsyrylatynyn, sondai-aq qalaǧa 400-500 avtobus jetkızıletının, ekı jyl ışınde investorlar esebınen 40-qa juyq balabaqşa boi köteretının jetkızdı.
«Kezdesude tūrǧyndar kötergen mäseleler şeşıledı. Bız olardy kezeŋ-kezeŋımen ıske asyramyz» dedı qala basşysy.
