Keşe Astanadaǧy «EXPO» halyqaralyq körme ortalyǧynda «Eurasian Book Fair – 2023» VI Euraziialyq halyqaralyq kıtap körme-järmeŋkesı aşyldy. Şara Mädeniet jäne sport ministrlıgı men Astana qalasy äkımdıgınıŋ qoldauymen ūiymdastyryldy.
Körme-järmeŋkenıŋ negızgı maqsaty – kıtap oqudy nasihattau; oqu mädenietın qalyptastyru; jetekşı baspalardyŋ kıtap önımderın, kıtap şyǧaru jäne poligrafiia salasyndaǧy jaŋa tehnologiialardy ūsynu; düniejüzılık kıtap basyp şyǧaru jäne poligrafiia industriiasynyŋ täjıribesın zerdeleu; bailanys ornatu jäne baspa salasyndaǧy jetıstıkterdı körsetu.
Körme-järmeŋkege qatysuǧa Qazaqstan, Resei, Türkiia jäne Qytaidyŋ baspa, kıtap satu, ǧylymi, bılım beru jäne poligrafiialyq kompaniialarynyŋ ökılderı, 70-ke juyq kompaniia ötınım berdı. Bes kündık auqymdy mädeni jäne ıskerlık baǧdarlama barysynda qazaqstandyq jäne şeteldık jetekşı baspalardyŋ önımderı, balalar ädebietı men ǧylymi-köpşılık ädebietınıŋ jaŋalyqtary tanystyrylady. Belgılı jazuşylar men aqyndarmen qoltaŋba sessiialary, kıtap şyǧarudyŋ özektı mäselelerı talqylanatyn döŋgelek üstel mäjılısterı ötedı. Körmenıŋ barlyq bes künınde balalar alaŋynda kıtap oqulary, tasqa suret salu, kıtaptarǧa betbelgı jasau jäne t.b. boiynşa şeberlık sabaqtary ötedı.
Körme aiasynda «Jyldyŋ üzdık kıtaby» baiqauy, baǧaly syilyqtar ūtysy men illiustratorlar baiqauy ötedı. «Eurasian Book Fair-2023» körmesınıŋ qūrmettı qonaǧy – Abai oblysy körmege qatysu üşın auqymdy mädeni-ıskerlık baǧdarlama daiyndady. Körmenıŋ barlyq künderınde osy oblystan şyqqan qalamgerlermen kezdesuler, ärtıster men teatr akterlerınıŋ önerı körsetılıp, mädeni baǧdarlamalardyŋ tūsaukeserı ötedı.
