Erkeǧali Rahmadiev atyndaǧy Memlekettık akademiialyq filarmoniiasynyŋ Qazaq orkestrı XXVI konserttık mausym şymyldyǧyn qazaqtyŋ aty aŋyzǧa ainalǧan kümıs kömei änşısı Küläş Baiseiıtovanyŋ 110 jyldyǧyna arnalǧan «Būlbūl» atty konsertımen aşty.
24 jasynda KSRO halyq ärtısı atanǧan Küläş Baiseiıtova – qazaq operasynyŋ negızın saluşylardyŋ bırı, KSRO Memlekettık syilyǧynyŋ laureaty. Onyŋ önerdegı orny tarihqa altyn ärıppen jazyldy. Būlbūl änşı bala kezınen halyq änderın tamaşa oryndaumen, boiyndaǧy ärtıstık şeberlıgımen közge tüse bastady. Qamşynyŋ sabyndai qysqa ǧana ǧūmyrynda «Qazaqtyŋ būlbūly» atanǧan talantty änşı bügıngı künı el auzynda qalǧan aŋyz tūlǧanyŋ bırı.
Ol qazaqstandyq jäne şeteldık operada san-qyrly obrazdardy somdady. Sonyŋ ışınde Evgenii Brusilovskiidıŋ «Qyz Jıbek» operasynda Jıbektıŋ, Ahmet Jūbanov pen Latif Hamididıŋ «Abai» operasynda Ajar beinesın, Petr Chaikovskiidıŋ «Evgenii Onegin», Djakoma Puchchindıŋ «Chio-Chio san» operasynda basty rölderdı oinady. Osy rölder arqyly Küläş Baiseiıtova körermennıŋ ystyq yqylasyna bölendı.
– Būlbūl änşı 1936 jyly qazaq mädenietınıŋ on kündıgın ötkızu üşın elımızdıŋ önerpazdarymen bırge Mäskeuge attanady. Onyŋ oryndauşylyq şeberlıgı öte joǧary baǧalanyp, jeztaŋdai änşımız köptıŋ qoşemetıne bölengen bolatyn. Konsertımızdı «Būlbūl» dep atauymyz beker emes, sebebı äsem ündı Küläş qalyŋ jūrtşylyqqa «Būlbūl» esımımen taŋylǧan edı.
Onyŋ repertuary öte keŋ jäne bai. Bır konsert baǧdarlamasynda barlyq repertuardy oryndau mümkın emes. Ol küi anasy Dina şeşeimen öte jaqsy qarym-qatynasta bolǧan. Sol sebepten konsert baǧdarlamasy Dinanyŋ «Äsem qoŋyr» küiın engızdık, – deidı Qazaq orkestrınıŋ körkemdık jetekşısı-bas dirijerı, Qazaqstannyŋ eŋbek sıŋırgen qairatkerı, professor Aitqali Jaiymov.
Sonymen qatar Jambyl Jambaevtyŋ «Küläşqa» änı, Evgenii Brusilovskiidıŋ «Qyz Jıbek» operasynan «Gäkku», Latif Hamididıŋ «Qazaq valsı» men «Būlbūl», Mūqan Tölebaevtyŋ «Bırjan men Sara» operasynan aitys, «Abai» operasynan Ajar ariiasy, «Qyz Jıbek» operasynan «Şegenıŋ termesı» oryndaldy.
Küläş Baiseiıtova Qūrmanǧazy orkestrımen tyǧyz bailanysta edı. Olar alǧaşqy gastroldık saparlarǧa bırge barǧan. Sony eskere otyryp, Qūrmanǧazynyŋ «Saryarqa» küiımen konsert aiaqtaldy.
Konsertte Qazaqstannyŋ eŋbek sıŋırgen qairatkerlerı Arailym Rahymqyzy, Svetlana Aitbaeva, Sündet Baiǧojin, Bibıgül Janūzaq, «Daryn» memlekettık jastar syilyǧynyŋ laureaty Altynbek Äbılda, halyqaralyq jäne respublikalyq baiqaulardyŋ laureattary Feruza Rahmetova, Äigerım Amanjolova, Äigerım Oraz, Talǧat Allabirinov, Botagöz Täşımova öner körsettı.
