Kün jylynǧaly berı elordada köktemgı «Jasyl Astana» ekologiialyq tazalyq ailyǧy jalǧasyp jatyr. Qazırgı taŋda qalanyŋ barlyq audanynda 3,5 myŋnan astam aǧaş pen būta otyrǧyzyldy. Būl rette japyraqty aǧaş türlerıne basymdyq berılude.
Bügınge deiın ekologiialyq ailyqqa 15 myŋǧa juyq adam, 400-den astam käsıporyn men ūiym, PİK jäne MİB ūjymdary, şaǧyn jäne orta biznes subektılerı jäne t. b. qatysyp, jalpy audany 4 mln şarşy metr bolatyn saiabaqtar men skverlerdı jinau jürgızıldı. Eŋbek ūjymdarynyŋ, qala tūrǧyndarynyŋ, şaǧyn jäne orta biznes ökılderınıŋ kömegımen poligonǧa 800 tonnadan astam qaldyq şyǧaryldy.
Elorda saiabaqtarynda, gülzarlarynda jäne basqa da aşyq alaŋdarda aǧaştar men būtalardy sanitarlyq kesu, äkteu jūmysy jürgızılıp jatyr. Sondai-aq, kommunaldyq qyzmetter qalanyŋ subūrqaq keşenderın ıske qosuǧa daiyndauda.
Ekologiialyq tazalyq ailyǧy 6 mamyrǧa deiın jalǧasady. Osy merzımge deiın barlyq bes audannyŋ tūrǧyndary aulalardy, saiabaqtardy, skverlerdı, qoǧamdyq keŋıstıkterdı, orman beldeulerın jäne jaǧalau aimaqtaryn tazalau aksiialaryna qatysady. Ailyq aiaqtalǧanşa Astanada älı bırneşe senbılık josparlanyp otyr. Mäselen, bügın, 29 säuırde, elordada jalpyqalalyq tazalyq aksiiasy ötedı, onyŋ barysynda ūiymdar men käsıporyndardyŋ ūjymdary öz aumaǧynda aǧaş otyrǧyzyp, qoqys jinaidy, sondai-aq, su aidyndarynyŋ maŋy tazartylady. Mamandardyŋ mälımdeuınşe, igı ıs-şara aiasynda taǧy 3 myŋnan astam aǧaş pen būta otyrǧyzu josparlanuda.
Jalpy biyl qalada bas-aiaǧy million jasyl jelek otyrǧyzu közdelıp otyr. Sondai-aq käsıporyndardyŋ aumaqtaryna, sauda, mädeniet jäne sport obektılerınıŋ maŋyn kögaldandyruǧa erekşe nazar audarylady.
